20 ലക്ഷമാക്കി നഷ്ടപരിഹാരത്തുക കുറച്ചുകൊണ്ട് കെ.എം.മാണി മാനഷ്ടക്കേസില് ചുവടുമാറ്റം നടത്തി . ബിജു രമേശിനെതിരെ നല്കിയ കേസിലാണ് ഈ നടപടി. 10 കോടി നല്കണമെന്നായിരുന്നു നേരത്ത ആവശ്യപ്പെട്ടിരുന്നത്.
20 പേര് റഷ്യന് ഹെലികോപ്ടര് തകര്ന്ന് മരിച്ചു. വടക്കു പടിഞ്ഞാറന് സൈബീരിയയില് ആണ് കോപ്ടര് തകര്ന്ന് വീണത്. മോശം കാലാവസ്ഥയില് പാലിക്കേണ്ട മുന്കരുതലുകള് എടുക്കാത്തതാകാം അപകടകാരണമെന്ന് കരുതുന്നു.
21 ഭീകരരെ ഈജിപ്ഷ്യന് സൈന്യം വധിച്ചു. ദിവസങ്ങള്ക്ക് മുമ്പ് ഇവര് സിനായി മേഖലയില് അക്രമം അഴിച്ച് വിട്ടിരുന്നു. ഇതിന് തിരിച്ചടിയായി ഇവര് തമ്പടിച്ചിരുന്ന സ്ഥലങ്ങളില് തെരച്ചില് നടത്തി സൈന്യം ആക്രമണം നടത്തുകയായിരുന്നു.
55 പേര് കാമറൂണിലുണ്ടായ ട്രെയിനടപകടത്തില് മരിച്ചു. 600 ലധികം പേര്ക്ക് പരിക്കുണ്ട്. ട്രെയിന് പാളം തെറ്റുകയായിരുന്നു.പരിക്കേറ്റ പലരുടെയും നില ഗുരുതരമാണ്. മരണസംഖ്യ ഉയര്ന്നേക്കാം. അപകടകാരണം വ്യക്തമല്ല.
78 കോടി രൂപയുടെ കോഴയുമായി ബന്ധപ്പെട്ട് ഫാക്ടിലെ അഞ്ച് ഡയറക്ടര്മാരുള്പ്പെടെ പത്ത് ഉദ്യോഗസ്ഥരെ പത്ത് കൊല്ലം മുമ്പ് സിബിഐ അറസ്റ്റ് ചെയ്തിരുന്നു. അന്തരിച്ച ചെയര്മാനും എംഡിയുമായിരുന്ന എബ്രഹാം തോമസും പ്രതിയായിരുന്നു.
