അമേരിക്കയിലെ റോസ്വെല്ലില് 1947 ജൂലൈയില് പറക്കും തളിക വീണത് യാഥാര്ത്ഥ്യമാണെന്ന് പ്രമുഖനായൊരു ഗിറ്റാറിസ്റ്റ് വെളിപ്പെടുത്തുകയാണ്. ബ്ളിങ്ക് 182 ബാന്ഡിന്റെ മുന് ഗിറ്റാറിസ്റ്റായ ടോം ഡിലോങാണ് ഹിലരി ക്ലിന്റണിന്റെ തെരഞ്ഞെടുപ്പു പ്രചരണത്തിന് നേതൃത്വം നല്കുന്ന ജോണ് പൊഡസ്റ്റയ്ക്ക് ‘പറക്കും തളികാ വാര്ത്തകള്’ ഇ മെയിലിലൂടെ കൈമാറിയത്. ഒബാമയുടെയും ബില് ക്ലിന്റണിന്റെയും ഉപദേശകനായിരുന്നു പൊഡെസ്റ്റ.
പാട്ടെല്ലാം മാറ്റിവെച്ച് പറക്കും തളികകള്ക്കു പിറകെയാണിപ്പോള് ഡിലോങ്. യുഎസ് പ്രതിരോധവകുപ്പില് അന്യഗ്രഹ ജീവികളെയും പാരനോര്മല് ആക്ടിവിറ്റികളെക്കുറിച്ചും ഗവേഷണം നടത്തിയിട്ടുമുണ്ട്. എയര്ഫോഴ്സിന്റെ നെവാഡ ഏരിയ 51ല് വെച്ച് അന്യഗ്രഹജീവികളുമായി ആശയവിനിമയം നടത്തിയതായും ഡിലോങ് അവകാശപ്പെടുന്നു.
റോസ്വെല്ലില് പറക്കും തളിക തകര്ന്നതിന് തെളിവുകളുണ്ടെന്നതാണ് ഡിലോങിന്റെ പ്രധാന വാദം.
എയര്ഫോഴ്സിന്റെ ഒരു സര്വൈലന്സ് തകര്ന്നതാണെന്ന് അക്കാലത്തേ തള്ളിയ പറക്കും തളികക്കഥ അദ്ദേഹം തെറ്റെന്ന് സമര്ത്ഥിക്കും. എയര്ഫോഴ്സിന്റെ ലബോറട്ടറിയിലേക്ക് മാറ്റിയ പറക്കും തളികയുടെ രഹസ്യം ലാബിന്റെ ചുമതലയുളള് ജനറല് മക്കലന്റിനറിയാം. സത്യം പറയണമെന്ന് അദ്ദേഹത്തിനുണ്ട്. അതു പറയാനാകില്ലെന്നും ഡിലോങിന്റെ സന്ദേശത്തില് പറയുന്നു. എങ്കിലും ആ രഹസ്യങ്ങളെല്ലാം ഡിലോങിന് ജനറല് കൈമാറിയിട്ടുണ്ട്.
