ആലുവ: ഭരണത്തിന്റെ തണലില് കമ്മ്യൂണിസ്റ്റ് മാര്ക്സിസ്റ്റ് പാര്ട്ടി നടത്തുന്ന അക്രമ പരമ്പകള് അവസാനിപ്പിക്കണമെന്ന് ബി. എം. എസ് സംസ്ഥാന വൈസ് പ്രസിഡന്റ് ബി.ശിവജി സുദര്ശനന് ആവശ്യപ്പെട്ടു. ആലുവയില് ബി. എം. എസ്. ജില്ലാ കമ്മിറ്റി സംഘടിപ്പിച്ച ബി. എം. എസ് സ്ഥാപകനായ ദത്തോപാന്ത് ഠേഗ്ഡിജിയുടെ അനുസ്മരണ സമ്മേളനത്തില് സംസാരിക്കുകയായിരുന്നു അദ്ദേഹം. അക്രമവും അഴിമതിയുമാണു ഈ സര്ക്കാരിന്റെ മുഖമുദ്രയെന്നും പാര്ട്ടിക്കു വേണ്ടി ത്യാഗ ചെയ്തവരെയും പ്രവര്ത്തകരെയും നോക്ക് കുത്തികളാക്കി നേതാക്കള് സ്വന്തക്കാരെ സര്ക്കാര് സംവിധാനത്തില് തിരുകിക്കയറ്റുവാന് ശ്രമിക്കുന്ന തിരക്കിലാണെന്നും ശിവജി സുദര്ശന് കുറ്റപ്പെടുത്തി.
ബി എംഎസ് ജില്ലാ പ്രസിഡന്റ് ടി.എ.വേണുഗോപാല് അദ്ധ്യക്ഷത വഹിച്ചു. ജില്ല സെക്രട്ടറി കെ.വി മധുകുമാര് , കെ.എ.പ്രഭാകരന്, ധനീഷ് നിറീക്കോട്, കെ.കെ.വിജയന്, കെ.ബി.സോമന്, സതി ഹരിദാസ്, എം.എസ്.വിനോദ്, അഡ്വ.കെ.സി.മുരളീധരന്, എ.ഡി.ഉണ്ണികൃഷ്ണന്, കെ.എസ്.അനില് കുമാര് വി.കെ.അനില് കുമാര് ,ജയപ്രകാശ് എന്നിവര് സംസാരിച്ചു.
