പറവൂര് : ഏഴിക്കര പഞ്ചായത്തിലെ കടക്കരയില് സേട്ടുവിന്റെ കെട്ട് എന്നറിയപ്പെടുന്ന പൊക്കാളിപ്പാടത്ത് ഭൂമാഫിയ റിസോര്ട്ട് നിര്മ്മിക്കാനുള്ള ശ്രമവും പുറംമ്പോക്ക് ഭൂമി കയ്യേറിയതിലും പ്രതിഷേധിച്ച് ബിജെപി ഏഴിക്കര പഞ്ചായത്ത് കമ്മിറ്റിയുടെ നേതൃത്വത്തില് പഞ്ചായത്താഫീസിലേക്ക് മാര്ച്ച് നടത്തി.
കഴിഞ്ഞ കോണ്ഗ്രസ് ഭരണസമിതിയും ഇപ്പോഴത്തെ സിപിഎം ഭരണ സമിതിയും ഭൂമാഫിയകള്ക്ക് ഒത്താശ ചെയ്തു കൊടുത്തതിന്റെ ഫലമാണ് ഈ അനധികൃത കയ്യേറ്റം എന്ന് ബിജെപി ആരോപിച്ചു . കടക്കര കവലയില് നിന്നാരംഭിച്ച മാര്ച്ച് പഞ്ചായത്ത് ഓഫീസിനു മുന്നില് പോലീസ് തടഞ്ഞു . തുടര്ന്ന് മാര്ച്ച് ബിജെപി പറവൂര് നിയോജക മണ്ഡലം ട്രഷറര് ടി.എ.ദിലീപ് ഉദ്ഘാടനം ചെയ്തു.
പഞ്ചായത്ത് കമ്മിറ്റി പ്രസിഡന്റ് സി.വി.ഹരിദാസ് അദ്ധ്യക്ഷത വഹിച്ചു . കര്ഷകമോര്ച്ച നിയോജക മണ്ഡലം പ്രസിഡന്റ് രാജു മാടവന , മഹിളാ മോര്ച്ച മണ്ഡലം പ്രസിഡന്റ് സിന്ധു നാരായണന്കുട്ടി , മണ്ഡലം വൈസ് പ്രസിഡന്റ് എം ബി. മനോഹരന് , സെക്രട്ടറി അനില് ചിറവക്കാട് , സി.പി. സനില്കുമാര് , പി.ജെ.മദനന് , ശാരദ കുഞ്ഞുമോന് എന്നിവര് പ്രസംഗിച്ചു . എം.കെ.വാസുദേവന് , സാജന് കാട്ടേത്ത് , ഹൃതുലേഷ് , രമേഷ് , വി.കെ.അംബുജാക്ഷന് , ഒ.എസ്.സതീഷ് , കെ.ഡി.ശ്രീക്കുട്ടന് , ദിനേശന് എന്നിവര് മാര്ച്ചിന് നേതൃത്വം നല്കി
