100 ദിവസത്തിനുളളില് അമേരിക്കയുടെ പുതിയ പ്രസിഡന്റ് ഭാരത പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തണമെന്ന് അമേരിക്കയിലെ നയരൂപീകരണ വിദഗ്ദ്ധ സമിതിയുടെ നിര്ദേശം. ഇരുരാജ്യങ്ങളും ബന്ധം മെച്ചപ്പെടുത്താനാണിത്.
100 അണ്വായുധങ്ങള് നിര്മിക്കാന് ഉത്തര കൊറിയയ്ക്ക് പദ്ധതിയെന്ന് അമേരിക്കന് എന്ജിഓയായ റാന്ഡ് കോര്പ്പറേഷന്. അമേരിക്കന് പ്രസിഡന്റ് തെരഞ്ഞെടുപ്പ് അടുത്തിരിക്കെയാണ് ഈ മുന്നറിയിപ്പ്. അടുത്ത പ്രസിഡന്റിന് തലവേദനയാകും ഇവ.
150 മരങ്ങള് മുറിച്ചുനീക്കി കടല്കാഴ്ച കാണാന് സൗകര്യം ഒരുക്കിയതായി റിപ്പോര്ട്ട്. അമേരിക്കയിലെ വാഷിങ്ടണിലാണ് സംഭവം. വീട്ടിലിരുന്നുകൊണ്ട് കടല് കാണാനാണ് ഇത്രയും മരങ്ങള് നശിപ്പിച്ചത്. ഒന്നര ഏക്കര് വരുന്ന സ്ഥലത്തെ മരങ്ങളാണ് വെട്ടിയത്.
200 റഷ്യന് കമോവ് ഹെലികോപ്ടറുകള് ഭാരതത്തില് നിര്മിക്കും. പാക്ക്, ചൈന അതിര്ത്തിയിലെ സുരക്ഷ ശക്തമാക്കാന് കൂടുതല് ആയുധങ്ങള് ശേഖരിക്കുന്നതിന്റെ ഭാഗമായാണ് നടപടി. ചീറ്റ, ചേതക് എന്നിവയുടെ കാലാവധി അവസാനിക്കുകയാണ്.
439 പോയിന്റ് ഇടിഞ്ഞ് സെന്സെക്സ് 27643.11ല് വ്യാപാരം അവസാനിപ്പിച്ചു. നിഫ്റ്റി 135.45 ഇടിഞ്ഞ് 8573.3ലും വ്യാപാരം അവസാനിപ്പിച്ചു. ബോംബൈ സ്റ്റോക്ക് എക്സ്ചേഞ്ചിലെ 941 കമ്പനികളുടെ ഓഹരികള് നേട്ടത്തിലായി.
