ആലപ്പുഴ: പമ്പിങ് മോട്ടോര് തകരാറിനെ തുടര്ന്നു നഗരത്തിന്റെ വടക്കന് പ്രദേശങ്ങളില് ശുദ്ധജലക്ഷാമം രൂക്ഷം. കൊമ്മാടി പമ്പ് ഹൗസിലെ മോട്ടോറാണു തകരാറിലായത്. രണ്ടു മോട്ടോറുകളില് ഒരെണ്ണം തകരാറിലായതിനാല് ഇവിടെ പമ്പിങ് കുറവാണ്. ഇതുമൂലം കൊമ്മാടി, തുമ്പോളി, മംഗലം, കളപ്പുര, ആറാട്ടുവഴി, പൂന്തോപ്പ്, ആശ്രമം തുടങ്ങിയ വാര്ഡുകളില് ശുദ്ധജല ക്ഷാമം രൂക്ഷമായി. ഇവിടെ 12 കുതിരശക്തിയുടെ രണ്ടു മോട്ടോറുകളാണു പ്രവര്ത്തിക്കുന്നത്. കാലപ്പഴക്കത്താല് മോട്ടോര് ഇടയ്ക്കിടെ തകരാറാകുന്നു. ജല സ്രോതസില് കുറവുണ്ടായതിനാല് പമ്പിങ്ങിലൂടെ ആവശ്യത്തിനുള്ള ജലം ലഭിക്കുന്നില്ല. അതിനാല് രാവിലെ ആറു മുതല് രാത്രി പത്തുവരെ മാത്രമായി ആര്ഒ പ്ലാന്റിലൂടെയുള്ള ജലവിതരണം നിയന്ത്രിച്ചിരിക്കുകയാണ്. ജലം കുറയുകയും ആര്ഒ പ്ലാന്റിലൂടെ ശുദ്ധീകരണത്തിനു രണ്ടിരട്ടി ജലം പാഴായി പോകുകയും ചെയ്യുന്നതു ജല വിതരണത്തെ ബാധിക്കുന്നതായി ജല അതോറിറ്റി അധികൃതര് പറയുന്നു.
നഗരത്തില് ശുദ്ധജലക്ഷാമം
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.