കണ്ണൂര്: പാനൂരിനടുത്ത കനകമലയില് നിന്ന് ഐഎസ് ഭീകരരെ എന്ഐഎ സംഘം അറസ്റ്റ് ചെയ്യുകയും കുമ്മനം രാജശേഖരന്, എം.ടി.രമേശ്, കെ.സുരേന്ദ്രന്, വത്സന് തില്ലങ്കേരി തുടങ്ങിയ സംഘപരിവാര് നേതാക്കളെ വധിച്ച് സംസ്ഥാന വ്യാപകമായി കലാപം സൃഷ്ടിക്കാനുമുള്ള ഗൂഢാലോചനയാണ് കനകമലയില് നടന്നതെന്ന് എന്ഐഎ സംഘം മനസ്സിലാക്കി കണ്ടെത്തിയിരിക്കുകയാണ്. കണ്ണൂര് തീവ്രവാദത്തിന്റെ പ്രഭവകേന്ദ്രമാകുമ്പോഴും ഭരണകൂടവും പ്രതിപക്ഷവും മൗനം പാലിക്കുന്ന നിലപാടില് പ്രതിഷേധിച്ച് ബിജെപി ജില്ലാ കമ്മറ്റിയുടെ ആഭിമുഖ്യത്തില് ഇന്ന് രാവിലെ 10 മണിക്ക് കണ്ണൂര് സ്റ്റേഡിയം കോര്ണ്ണറില് പ്രതിഷേധ ജ്വാലയും കൂട്ട ധര്ണ്ണയും നടത്തും. രാവിലെ 9.30ന് എസ്എന്പാര്ക്കിന് സമീപമുള്ള ബിജെപി ജില്ലാ കമ്മറ്റി ഓഫീസില് നിന്നും പ്രകടനം ആരംഭിക്കും. പ്രതിഷേധ ജ്വാല ബിജെപി സംസ്ഥാന ജനറല് സെക്രട്ടറി ശോഭാ സുരേന്ദ്രന് ഉദ്ഘാടനം ചെയ്യും.
പരിപാടിയില് മുഴുവന് പാര്ട്ടി പ്രവര്ത്തകരും പങ്കെടുക്കണമെന്ന് ജില്ലാ ജനറല് സെക്രട്ടറി കെ.കെ.വിനോദ് കുമാര് അറിയിച്ചു.
