വൈക്കം: കച്ചേരിക്കവലയില് ഓണവിപണി ലക്ഷ്യമാക്കി തുടങ്ങിയ പൂക്കച്ചവടക്കാരനെതിരെ നഗരസഭ രംഗത്തുവന്നത് വിവാദമാകുന്നു. നഗരത്തില് വിവിധ കടകള് അനധികൃതമായി പ്രവര്ത്തിക്കുമ്പോള് ഇതിനോടൊന്നും കണ്ടില്ലെന്ന ഭാവം നടിക്കുന്ന സെക്രട്ടറിയും ജീവനക്കാരും താത്ക്കാലിക പൂക്കച്ചവടത്തിനെതിരെ നടപടിയെടുത്തതാണ് പ്രതിഷേധത്തിന് ഇടയാക്കിയത്. നഗരസഭാ ജീവനക്കാരോട് കടക്കാരന് മോശമായി പെരുമാറിയെന്നു കാണിച്ച് സെക്രട്ടറി പരാതി നല്കിയതിന്റെ അടിസ്ഥാനത്തില് പോലീസ് കച്ചവടക്കാരനെ അറസ്റ്റ് ചെയ്തു. വാടകകെട്ടിടത്തില് പ്രവര്ത്തിക്കുന്ന കടയുടെ സമീപത്ത് ഓണവിപണി ലക്ഷ്യമിട്ട് താത്കാലികകട തുടങ്ങിയതാണ് നഗരസഭ ജീവനക്കാരെ ചൊടിപ്പിച്ചത്. എന്നാല് കച്ചവടക്കാരന് അനുകൂലമായി ചെയര്മാന് നിലപാടെടുത്തതോടെ ജീവനക്കാര് വെട്ടിലായി. ഇയാള്ക്കെതിരെയുള്ള നടപടികള് പിന്വലിക്കണമെന്ന് ആവശ്യപ്പെട്ട് ചെയര്മാന് ഡിവൈഎസ്പി, സിഐ, എസ്ഐ എന്നിവരെ സമീപിച്ചു. തുടര്നടപടികള് ഒഴിവാക്കാമെന്ന് ഉത്തരവാദിത്തപ്പെട്ടവര് ചെയര്മാന് ഉറപ്പിനല്കിയതായാണ് സൂചന. നഗരസഭയില് ഉദ്യോഗസ്ഥരും ജനപ്രതിനിധികളും തമ്മിലുള്ള വടംവലിയുടെ ഏറ്റവും ഒടുവിലത്തെ ഉദാഹരണമാണ് ഇന്നലെ നടന്ന സംഭവം.
നഗരസഭാ നടപടി പ്രതിഷേധത്തിന് ഇടയാക്കുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.