തണ്ണീര്‍ത്തട സംരക്ഷണ നിയമം അട്ടിമറിക്കാന്‍ നീക്കം

കോട്ടയം: 2008ലെ നെല്‍വയല്‍ തണ്ണീര്‍ത്തട സംരക്ഷണ നിയമം അട്ടിമറിക്കാന്‍ ജില്ലയില്‍ വ്യാപകശ്രമം നടക്കുന്നതായി പരാതി. കഴിഞ്ഞ യുഡിഎഫ് സര്‍ക്കാരിന്റെ അവസാന കാലത്ത് കൊണ്ടുവന്ന ചിഭേദഗതികളെ കൂട്ടുപിടിച്ചാണ് കോട്ടയം ജില്ലയില്‍ വ്യാപകമായി നെല്‍വയലുകള്‍ നികത്തുന്നത്. സംസ്ഥാനത്തെ നെല്‍വയലുകളും തണ്ണീര്‍ത്തടങ്ങളും നികത്തുന്നത് തടയാന്‍ 2008ലാണ് നെല്‍വയല്‍ തണ്ണീര്‍ത്തട സംരക്ഷണ നിയമം പ്രബാല്യത്തില്‍ വരുന്നത്. എന്നാല്‍ യുഡിഎഫ് സര്‍ക്കാരിന്റെ അവസാന കാലത്ത് 2008 ആഗസ്റ്റ് 12ന് മുമ്പ് നികത്തിയ വയലുകള്‍ ന്യായവിലയുടെ 25ശതമാനം ഈടാക്കി ക്രമപ്പെടുത്താമെന്ന ഭേദഗതി വന്നതോടെ ഭൂമാഫിയ ശക്തമായി രംഗത്ത് വരികയായിരുന്നു. അപേക്ഷാ ഫീസിനത്തില്‍ ലക്ഷങ്ങള്‍ റവന്യൂ ഓഫീസില്‍ സ്വീകരിക്കുന്നുണ്ടെങ്കിലും കൃത്യമായി അന്വേഷിച്ച് സ്ഥിതി വിവരങ്ങള്‍ തിരക്കുന്നതില്‍ ഉദ്യോഗസ്ഥര്‍ക്കും അലംഭാവമാണ്. കോട്ടയം ജില്ലയില്‍ കുടിവെള്ള ക്ഷാമം ഏറെ രൂക്ഷമായ വൈക്കം, കുമരകം, ചങ്ങനാശേരി, പുതുപ്പള്ളി, കോട്ടയം തുടങ്ങിയ പ്രദേശങ്ങളിലാണ് ഇത്തരത്തില്‍ തണ്ണീര്‍ത്തടങ്ങള്‍ വ്യാപകമായി കയ്യേറി മണ്ണിട്ട് നികത്തുന്നത്. കടുത്തുരുത്തി, വാകത്താനം, കൂരോപ്പട, പാമ്പാടി, വിജയപുരം തുടങ്ങിയ സ്ഥലങ്ങളില്‍ നിന്നും ദിവസേന ലോഡ് കണക്കിന് കരമണ്ണാണ് തണ്ണീര്‍ത്തടങ്ങള്‍ നികത്തുന്നതിനായി കൊണ്ടുപോകുന്നത്. വീട് വെക്കാനെന്ന വ്യാജേനയാണ് പലരും റവന്യൂ ഓഫീസില്‍നിന്നും അനുമതി വാങ്ങുന്നത്. എന്നാല്‍ അതിന്റെ മറവില്‍ വന്‍ പകല്‍ക്കൊള്ളയാണ് ഇത്തരത്തില്‍ ജില്ലയിലും സമീപപ്രദേശങ്ങളിലും നടക്കുന്നത്. പുതുക്കിയ ഭേദഗതി വന്നതോടുകൂടി പഞ്ചായത്തുകള്‍ക്ക് ഈ വിഷയത്തില്‍ ഇടപെടുന്നതിന് സാദിക്കാതെ വരുന്നത് വിഷയം രൂക്ഷമാക്കുന്നു. ജില്ലയില്‍ നിന്നുമാത്രം നൂറുകണക്കിന് പരാതികളാണ് ഇത്തരത്തില്‍ ബന്ധപ്പെട്ട ഓഫീസുകളില്‍ കെട്ടിക്കിടക്കുന്നത്. എന്നാല്‍ ഈ വിഷയത്തില്‍ സര്‍ക്കാരിന്റെ ഭാഗത്തുനിന്നും ഉറപ്പുകിട്ടിയാലേ നടപടിയെടുക്കൂ എന്ന വാശിയിലാണ് ഉദ്യോഗസ്ഥര്‍. ബന്ധപ്പെട്ടവരുടെ അലംഭാവംമൂലം ജില്ലയിലെ നെല്‍വയലുകളും തണ്ണീര്‍ത്തടങ്ങളും വേഗത്തില്‍ അപ്രത്യക്ഷമാവുകയാണ്. ഭൂമാഫിയയുടെ നേതൃത്വത്തില്‍ ജില്ലയില്‍ നടക്കുന്ന ഈ പ്രകൃതി ചൂഷണത്തിനെതിരെ ജലഉപഭോക്തൃ തണ്ണീര്‍ത്തട സംരക്ഷണ സമിതിയുടെ നേതൃത്വത്തില്‍ വന്‍ പ്രതിഷേധമാണ് ഉയര്‍ന്നിട്ടുള്ളത്. വരും ദിനങ്ങളില്‍ ശക്തമായ സമര പരിപാടികളുമായി മുന്നോട്ട് പോകുമെന്ന് ജില്ലാ പ്രസിഡന്റ് എബി ഐപ്പ് ജില്ലാ പ്രസിഡന്റ് എബിഐപ്പ് അമല്‍. ജി പോള്‍, ാേതമസ് മാത്യു, അഡ്വ.അനില്‍ ഐക്കര എന്നിവര്‍ അറിയിച്ചു.