കണ്ണൂര്: സ്വാമി ചിന്മയാനന്ദന്റെ ഇരുപത്തിനാലാം സമാധിദിനത്തോടനുബന്ധിച്ച് കല്യാടുള്ള ചിന്മയ ബാലനികേതനില് ചിന്മയാമിഷന് കുടുംബാംഗങ്ങള് സാമ്പത്തികമായി പിന്നോക്കം നില്ക്കുന്ന സമര്ത്ഥരായ ആണ്കുട്ടികള്ക്ക് സൗജന്യ പഠനതാമസമൊരുക്കുന്നു. എട്ട് വിദ്യാര്ത്ഥികള്ക്ക് വീതം താമസിക്കാവുന്നതും അമ്പത് ലക്ഷത്തോളം ചെലവഴിച്ച് പൂര്ത്തിയാക്കിയതുമായ അഞ്ച് വീടുകളാണ് സജ്ജീകരിച്ചിരിക്കുന്നതെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. ഈ വര്ഷം എട്ടാം ക്ലാസില് പഠിക്കുന്ന എട്ട് വിദ്യാര്ത്ഥികള്ക്ക് സമീപത്തുള്ള ഹൈസ്കൂളുകളില് തുടര്പഠനവും ഒരുക്കും.ദേശീയ അധ്യാപകദിനമായ സെപ്തംബര് അഞ്ചിന് ഈ വര്ഷത്തെ പ്രവേശനം ആരംഭിക്കും. അപേക്ഷനല്കുന്നതുമായി ബന്ധപ്പെട്ട കൂടുതല് വിവരങ്ങള്ക്ക് 2700876, 9447490681 എന്നീ നമ്പറുകളില് ബന്ധപ്പെടേണ്ടതാണ്. ഇത് കൂടാതെ ചിന്മയാ വിദ്യാലയത്തില് പഠനത്തില് താത്പര്യമുള്ള ജമ്മുകാശ്മീരിലെ കാര്ഗിലില് നിന്നുമുള്ള കുട്ടികള്ക്ക് പഠനസൗകര്യവും ഒരുക്കുന്നുണ്ട്. ഇപ്പോള് കാര്ഗിലില് നിന്നുമുള്ള കുട്ടികളുടെ രണ്ടാമത്തെ ബാച്ച് അഞ്ച് മുതല് എട്ട് വരെയുള്ള ക്ലാസുകളിലായി പഠനം തുടര്ന്ന് കൊണ്ടിരിക്കുകയാണ്. അതിര്ത്തിയിലെ സ്ഥതി കാരണം പഠനം മുടങ്ങുകയായിരുന്ന കുട്ടികളെ ലഡാക്കിലെ ആര്മി വൈവ്സ് വെല്ഫെയര് അസോസിയേഷന്റെ അഭ്യര്ത്ഥന പ്രകാരമാണ് ചിന്മയാമിഷന് സ്പോണ്സര് ചെയ്ത് തുടങ്ങിയത്. വാര്ത്താസമ്മേളനത്തില് ചിന്മയാമിഷന് ചീഫ് സേവക് കെ. കെ.രാജന്, മഹേഷ്ചന്ദ്ര ബാലിഗ, പ്രൊഫ.ശ്രീനാഥ്, കാര്ഗിലില് നിന്നുമുള്ള വിദ്യാര്ത്ഥികളായ ഷെഹ്നാസ്, ആസിഫ് അലി എന്നിവര് പങ്കെടുത്തു.
ചിന്മയാ മിഷന് സാമ്പത്തികമായി പിന്നോക്കം നില്ക്കുന്ന വിദ്യാര്ത്ഥികള്ക്ക് സൗജന്യപഠന-താമസമൊരുക്കുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.