മലയിന്കീഴ്: കണ്ടല സഹകരണ ആശുപത്രിയുടെ ആറാം വാര്ഷികാഘോഷം സപ്തംബര് 1ന് വിവിധപരിപാടികളോടെ ആശുപത്രി അങ്കണത്തില് നടക്കും. ഐ.ബി. സതീഷ് എംഎല്എയുടെ അദ്ധ്യക്ഷതയില് രാവിലെ 9 ന് ചേരുന്ന യോഗത്തിന്റെ ഉദ്ഘാടനം മന്ത്രി കടകംപളളി സുരേന്ദ്രന് നിര്വ്വഹിക്കും. കണ്ടലസഹകരണ ബാങ്ക് പ്രസിഡന്റ് എന്. ഭാസുരാംഗന്, മാറനല്ലൂര് പഞ്ചായത്ത് പ്രസിഡന്റ് പി.എസ്. മായ, വൈസ് പ്രസിഡന്റ് തൂങ്ങാംപാറ ബാലകൃഷ്ണന് ത്രിതല പഞ്ചായത്ത് പ്രതിനിധികള്, പ്രമുഖസഹകാരികള്, രാഷ്ട്രീയ പാര്ട്ടി നേതാക്കള് തുടങ്ങിയവര് പങ്കെടുക്കും. ആധുനിക സജ്ജീകരണങ്ങളുളള പുതിയ ലാബ്, ഓഫീസ്, 108 മോഡല് ആംബുലന്സ് ഫഌഗ് ഓഫ്, മെഗാ മെഡിക്കല് ക്യാമ്പ് എന്നിവയുണ്ടാകും. 12 ഇന സൗജന്യ മെഗാ മെഡിക്കല് ക്യാമ്പില് അസ്ഥിക്ഷയ പരിശോധന, പ്രമേഹരോഗ ചികിത്സ, ഹൃദ്രോഹം, വൃക്കരോഗം, രക്തസമ്മര്ദ്ദം, ശിശുരോഗം, നേത്രരോഗം, ഗൈനിക്, ഇഎന്ടി, സ്കിന്, മാനസികാരോഗം, തൈറോയിഡ്, ക്യാന്സര് രോഗ നിര്ണ്ണയം എന്നിവ ക്യാമ്പിലുണ്ടാകുമെന്നും കുറഞ്ഞ ചിലവില് മികച്ച ചികിത്സയാണ് ആശുപത്രിയുടെ പ്രവര്ത്തനത്തിലൂടെ ലക്ഷ്യമിടുന്നതെന്ന് പ്രസിഡന്റ് എന്. ഭാസുരാംഗന് വാര്ത്താ സമ്മേളനത്തില് പറഞ്ഞു. സഹകരണ ബാങ്ക് സെക്രട്ടറി പി. ശാന്തകുമാരി, ആശുപത്രി അഡ്മിനിസ്ട്രേറ്റീവ് ഓഫീസര് ആരതി. എസ്. ദേവ്, ഭരണസമിതി അംഗങ്ങളായ എ. രവീന്ദ്രന്, എ.കെ. രവീന്ദ്രദാസ്, ആര്. രഘുവരന്നായര്, സി. കൃഷ്ണന്കുട്ടി, എ. സലിം, തിലോത്തമന് എന്നിവര് വാര്ത്താസമ്മേളനത്തില് പങ്കെടുത്തു. മെഡിക്കല് ക്യാമ്പില് പങ്കെടുക്കുന്നവര് അന്നേദിവസം രാവിലെ മുതല് 9 മുമ്പ് പേര് രജിസ്റ്റര് ചെയ്യണം. വിവരങ്ങള്ക്ക് 0471-2297555,2297554 എന്നീ ഫോണ് നമ്പരുകളില് ബന്ധപ്പെടേണ്ടതാണ്.
കണ്ടല സഹകരണ ആശുപത്രി വാര്ഷികവും മെഗാ മെഡിക്കല് ക്യാമ്പും
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.