കണ്ണവം: സിപിഐ നേതാവ് എന്.ഇ.ബാലറാമിന്റെ ജന്മനാടായ തൊടീക്കളത്ത് സ്ഥാപിച്ച സ്മൃതിമണ്ഡപത്തിലെ അദ്ദേഹത്തിന്റെ ചിത്രം ആലേഖനം ചെയ്ത ശിലാഫലകം അടിച്ചുതകര്ത്തു. കഴിഞ്ഞ ദിവസം രാത്രിയാണ് അക്രമം നടന്നത്. അക്രമത്തിന് പിന്നില് സിപിഎമ്മാണെന്ന് ആരോപണമുണ്ട്. നിരന്തരമായി സിപിഎം, സിപിഐ സംഘര്ഷം നടക്കുന്ന പ്രദേശമാണ് ചിറ്റാരിപ്പറമ്പ് പഞ്ചായത്ത്. ഏതാനും മാസങ്ങള്ക്ക് മുമ്പ് സിപിഐ ചെള്ളത്തുവയല് ബ്രാഞ്ച് സെക്രട്ടറി വിനോദിനെ സിപിഎം സംഘം വെട്ടിപ്പരിക്കേല്പിച്ചിരുന്നു. ചിറ്റാരിപ്പറമ്പിലെ സിപിഎം പ്രവര്ത്തകന് സുനേഷിന്റെ നേതൃത്വത്തിലുള്ള സംഘമാണ് അക്രമം നടത്തിയത്. സ്ഥിരം ക്രിമിനലായ സുനേഷിനെ കാപ്പ ചുമത്തി പോലീസ് ജയിലിലടച്ചിരിക്കുകയാണ്. ശിലാഫലകം അടിച്ചുതകര്ത്ത സാമൂഹ്യവിരുദ്ധരെ എത്രയും പെട്ടെന്ന് നിയമത്തിന് മുന്നില് കൊണ്ടുവരണമെന്ന് സിപിഐ ജില്ലാ സെക്രട്ടറി അഡ്വ.പി.സന്തോഷ്കുമാര് ബന്ധപ്പെട്ട അധികൃതരോട് ആവശ്യപ്പെട്ടു. ഇത്തരം ക്രിമിനലുകള്ക്കെതിരെ ശക്തമായ നടപടി സ്വീകരിക്കണമെന്നും അദ്ദേഹം പറഞ്ഞു.
തൊടീക്കളത്ത് എന്.ഇ.ബാലറാം സ്തൂപം അടിച്ച് തകര്ത്തു പിന്നില് സിപിഎം എന്ന് ആരോപണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.