കൊച്ചി: വിപുലമായ ജോലിസാധ്യതയൊരുക്കി സൗജന്യ മെഗാ തൊഴില് മേള 28ന്. സെന്റ് ആല്ബര്ട്ട്സ് ഹയര് സെക്കന്ഡറി സ്കൂളില് രാവിലെ 10ന് മേള ആരംഭിക്കും. കേന്ദ്ര തൊഴില് ഉേദ്യാഗ മന്ത്രാലയവും കൊച്ചിയിലെ സൊസൈറ്റി ഫോര് ഇന്റഗ്രേറ്റഡ് ഗ്രോത്ത് ഓഫ് ദി നേഷനും ചേര്ന്നാണ് ഫെയര് സംഘടിപ്പിക്കുന്നത്.
അഞ്ചാം ക്ലാസ് മുതല് ബിരുദാനന്തര ബിരുദം വരെ വിദ്യാഭ്യാസ യോഗ്യതയുള്ളവര്ക്ക് സൗജന്യമായി രജിസ്റ്റര് ചെയ്ത് മേളയില് പങ്കെടുക്കാം. വിവിധ മേഖലകളില് പ്രമുഖമായ നൂറിലേറെ സ്ഥാപനങ്ങള് മേളയിലെത്തും. ഐടി, ഓട്ടോ മൊബൈല്, നഴ്സിംഗ്, ഫിനാന്സ്, ട്രാവല്, ടൂറിസം, ഹോട്ടല്, പബ്ലിക് റിലേഷന്സ്, ഹ്യൂമന് റിസോഴ്സ്, ടെക്സ്റ്റൈല്, ഹൗസ് കീപ്പിംഗ്, സെയില്സ്, ലോജിസ്റ്റിക്സ്, ഇന്റീരിയര് തുടങ്ങി എല്ലാ മേഖലകളിലും വിദ്യാഭ്യാസ യോഗ്യതക്കും മുന്പരിചയത്തിനും അനുസൃതമായി വിവിധ തസ്തികകളില് തൊഴില് നേടാന് അവസരം ലഭിക്കും.
നഴ്സിംഗില് മാത്രം ആയിരത്തോളം ഒഴിവുകള് മള്ട്ടി സ്പെഷ്യാലിറ്റി ഉള്പ്പെടെ വിവിധ ആശുപത്രികള് അറിയിച്ചിട്ടുണ്ട്. ബി എസ്സി നഴ്സിംഗ്, ജിഎന്എം യോഗ്യതയുള്ളവരെ പരിഗണിക്കും. പാരാ മെഡിക്കല് വിഭാഗത്തിലും നിരവധി ഒഴിവുകളുണ്ട്.
രാവിലെ എട്ടുമുതല് മേളയില് രജിസ്റ്റര് ചെയ്യാം. ഉേദ്യാഗാര്ത്ഥികള് വയസ്, വിദ്യാഭ്യാസ യോഗ്യത, തൊഴില് പരിചയം എന്നിവ തെളിയിക്കുന്ന സര്ട്ടിഫിക്കറ്റുകള് ഹാജരാക്കണം. വിവിധ കൗണ്ടറുകളില് തത്സമയ അഭിമുഖം നടക്കും. കൂടുതല് വിവരങ്ങള് 04712332 113, 94957 46866 നമ്പറുകളില് ലഭിക്കും. പിന്നീട് വരുന്ന ഒഴിവുകളിലേക്ക് പരിഗണിക്കാന് ംംം.ിര.െഴീ്.ശി എന്ന വെബ്സൈറ്റില് രജിസ്റ്റര് ചെയ്യാം.
