അമ്പലപ്പുഴ: തര്ക്കസ്ഥലം അളന്നു നല്കാത്തതില് പ്രകോപിതനായ സിപിഎം വാര്ഡ് മെമ്പര് കരുമാടി വില്ലേജാഫീസറെ മര്ദ്ദിച്ച് മുറിയില് പൂട്ടിയിട്ടു. ഇന്നലെ രാവിലെ 11.30ഓടെയായിരുന്നു സംഭവം. അമ്പലപ്പുഴ തെക്കു പഞ്ചായത്ത് ആറാം വാര്ഡ് അംഗം രവികുമാറാണ് വില്ലേജാഫീസര് ആര്. രഞ്ജീവിനെ മര്ദ്ദിച്ച് വില്ലേജാഫീസിനുള്ളില് പൂട്ടിയിട്ടത്. സംഭവമറിഞ്ഞ് അമ്പലപ്പുഴ പോലീസും തഹസീല്ദാറും എത്തിയാണ് രഞ്ജീവിനെ മോചിപ്പിച്ചത്.
വര്ഷങ്ങളായി അതിര്ത്തിതര്ക്കം നിലനില്ക്കുന്നന വസ്തു അളന്നു നല്കണമെന്നാവശ്യപ്പെട്ട് ആദ്യം രണ്ടു സിപിഎമ്മുകാര് വില്ലേജാഫീസറെ സമീപിച്ചു. എന്നാല് തര്ക്കമുള്ള സ്ഥലം തങ്ങള്ക്ക് അളക്കാന് നിയമമില്ലെന്നും താലൂക്കാഫീസില് അപേക്ഷിക്കണമെന്നും ഇവരോട് നിര്ദ്ദേശിച്ചു. തിരികെ പോയ സഖാക്കള് വാര്ഡംഗമായ രവികുമാറിനെ കൂട്ടിവരികയായിരുന്നു. സ്ഥലം ഉടനെ അളന്നു നല്ഡകണമെന്നും അവര് ആവശ്യപ്പെട്ടു.
തഹസീല്ദാര്ക്ക് അപേക്ഷ നല്കണമെന്ന് വാര്ഡംഗത്തോട് വില്ലേജാഫീസര് മറുപടി നല്കി. ഇതോടെ വില്ലേജാഫീസറെ ഇവര് മര്ദ്ദിക്കുകയായിരുന്നു. അവശനായ രഞ്ജീവിനെ വില്ലേജാഫീസിലെ മുറിക്കുള്ളില് പൂട്ടിയിടുകയും ചെയ്തു. നാട്ടുകാരാണ് അമ്പലപ്പുഴ പോലീസിലും തഹസീല്ദാരെയും വിവരമറിയിച്ചത്. പോലീസ് സഖാക്കളുമായി നടത്തിയ ചര്ച്ചയില് വില്ലേജാഫീസറെ മോചിപ്പിക്കുകയായിരുന്നു. രഞ്ജീവ് കുമാര് പിന്നീട് ജില്ലാ കളക്ടര് ഉള്പ്പെടെയുള്ളവര്ക്ക് പരാതി സമര്പ്പിച്ചു. എന്നാല് ഭരണസ്വാധീനം ഉപയോഗിച്ച് വില്ലേജാഫീസര്ക്കെതിരെ കള്ളക്കേസ് എടുക്കാന് ശ്രമം ആരംഭിച്ചിട്ടുണ്ട്.
