കണ്ണൂര്: മലബാറിന്റെ വികസനത്തിനായി വിവിധ മേഖലകളില് ഗവേഷണം നടത്താന് യൂണിവേഴ്സിറ്റികള്ക്ക് പുറമെ സ്വകാര്യമേഖലയില് സംരംഭങ്ങള് ഉയര്ന്നുവരണമെന്ന് കണ്ണൂര് യൂണിവേഴ്സിറ്റി പ്രോ വൈസ് ചാന്സലര് ഡോ.ടി.അശോകന് പറഞ്ഞു. കൃഷ്ണാ ജ്വല്സിന്റെ നേതൃത്വത്തിലുള്ള ശിവോഹം ഇന്സ്റ്റിറ്റ്യൂട്ട് ഓഫ് റിസര്ച്ച് ആന്റ് ഇന്നോവേഷന് സെന്റര് സിരിയുടെ ഉദ്ഘാടനം നിര്വ്വഹിച്ച് സംസാരിക്കുകയായിരുന്നു അദ്ദേഹം.
പയ്യാമ്പലം കൃഷ്ണാ ബീച്ച് റിസോര്ട്ടിലെ ശിവോഹം സെന്റര് ഓഫ് എക്സലന്സില് നടന്ന ചടങ്ങില് കൃഷ്ണാ ജ്വല്സ് മാനേജിംഗ് പാര്ട്ണര് സി.വി. രവീന്ദ്രനാഥ് അദ്ധ്യക്ഷത വഹിച്ചു. സ്വാമിനി അപൂര്വ്വാനന്ദ സരസ്വതി ഭദ്രദീപം തെളിയിച്ചു. കാഞ്ഞങ്ങാട് നെഹ്റു ആര്ട്സ് ആന്റ് സയന്സ് കോളേജിലെ ഇക്കണോമിക്സ് വിഭാഗം തലവന് ഡോ.എ.അശോകന് മുഖ്യപ്രഭാഷണം നടത്തി. ശിവോഹം ഇന്സ്റ്റിറ്റ്യൂട്ട് ഓഫ് റിസര്ച്ച് ആന്റ് ഇന്നോവേഷന് ഡയറക്ടര് ഡോ. വി.പി. രാഘവന് സ്വാഗതവും ഐ.എ.എസ് അക്കാദമി ഡയറക്ടര് ഡോ. പ്രൊഫ. പി. നാരായണന് നന്ദിയും പറഞ്ഞു.
വടക്കേ മലബാറിന്റെ സാംസ്കാരിക പൈതൃകം ഉയര്ത്തുന്നതിനും ഗവേഷണം പ്രോത്സാഹിപ്പിക്കുന്നതിനുമായുള്ള കൃഷ്ണാ ജ്വല്സിന്റെ ഈ സംരംഭത്തില് കൈവശമുള്ള പഴയ പുസ്തകങ്ങള് സംഭാവന നല്കി ആര്ക്കും പങ്കുചേരാവുന്നതാണ്. കൂടുതല് വിവരങ്ങള്ക്ക് ഫോണ്: 0497 2742219, 9567268040.
