അദ്ധ്യാപകനെതിരെ നടപടിസ്വീകരിക്കണം: എബിവിപി
ആലപ്പുഴ: ചേര്ത്തല എന്എസ്എസ് കോളേജില് ദളിത് വിദ്യാര്ത്ഥിയെയും അമ്മയെയും ആക്രമിച്ച സംഭവത്തില് കുറ്റക്കാരനായ മലയാളം വകുപ്പ് മേധാവി ശ്രീകുമാറിനെതിരെ നടപടി എടുക്കണമെന്ന് എബിവിപി സംസ്ഥാന ജോ.സെക്രട്ടറി സി. അനുജിത്ത് ആവശ്യപ്പെട്ടു. വ്യക്തി വൈരാഗ്യത്തെ തുടര്ന്ന് രണ്ടാംവര്ഷ മലയാള വിഭാഗം വിദ്യാര്ത്ഥിയായ രതുലിനെയും അമ്മയെയും കോളേജില് വിളിച്ചുവരുത്തി ജാതിപ്പേര് പറഞ്ഞ് ആക്ഷേപിക്കുകയും അമ്മയുടെ മുന്നിലിട്ട് വിദ്യാര്ത്ഥിയെ മര്ദ്ദിക്കുകയും ഇതു തടസം പിടിച്ച അമ്മയെ തള്ളിത്താഴെയിടുകയും ചെയ്തത് അദ്ധ്യാപകനുചേര്ന്ന നടപടിയല്ലെന്നും എബിവിപി പറഞ്ഞു. അദ്ധ്യാപകനെ സംരക്ഷിക്കുന്ന നടപടിയാണ് മാനേജ്മെന്റ് തുടരുന്നതെങ്കില് ശക്തമായ സമരപരിപാടികള് കോളേജ് സാക്ഷ്യം വഹിക്കേണ്ടിവരുമെന്നും അദ്ദേഹം കൂട്ടിച്ചേര്ത്തു.
