കുറവിലങ്ങാട്: ദേശിയ തൊഴിലുറപ്പ് പദ്ധതിയുടെ നടത്തിപ്പിലെ ക്രമക്കേടുകളില് പ്രതിഷേധിച്ച് ബിജെപി കടുത്തുരുത്തി നിയോജകമണ്ഡലം കമ്മറ്റിയുടെ നേതൃത്വത്തില് ഉഴവൂര് ബ്ലോക്ക് ഓഫീസ് ഉപരോധം നടത്തി. കഴിഞ്ഞ അഞ്ച് മാസക്കാലമായി ഉഴവൂര് ബ്ലോക്കിന്റെ കീഴില് വരുന്ന എട്ട് പഞ്ചായത്തിലെ പതിനാറായിരത്തി എണ്ണൂറോളം തൊഴിലാളികള്ക്ക് തൊഴില് ലഭിക്കാത്ത അവസ്ഥയാണ് നിലവില് ഉള്ളത്. തൊഴിലുറപ്പു പദ്ധതി അട്ടിമറിക്കുവാന് ഉദ്യോഗസ്ഥ തലത്തില് നടക്കുന്ന പദ്ധതിയുടെ ഭാഗമായിട്ടാണ് ഉഴവൂര് ബ്ലോക്കില് തൊഴിലാളികള്ക്ക് ജോലി നിഷേധിക്കുന്നത് എന്ന് ഉപരോധം ഉദ്ഘാടനം ചെയ്തുകൊണ്ട് ബിജെപി ജില്ലാ ജനറല് സെക്രട്ടറി കെ.പി. സുരേഷ് പറഞ്ഞു. ഉപരോധസമരത്തില് തൊഴിലുറപ്പു തൊഴിലാളികള് അടക്കം നൂറുകണക്കിന് പ്രവര്ത്തകര് പങ്കെടുത്തു. കുറവിലങ്ങാട് പ്രൈവറ്റ് ബസ്സ്റ്റാന്റില് നിന്ന് ആരംഭിച്ച പ്രകടനം ബ്ലോക്ക് ഓഫീസിന് മുമ്പില് പോലീസ് തടഞ്ഞു. തുടര്ന്ന് നടന്ന യോഗത്തില് ബിജെപി കടുത്തുരുത്തി നിയോജകമണ്ഡലം പ്രസിഡന്റ് സുദീപ് നാരായണന് അദ്ധ്യക്ഷത വഹിച്ചു. ജില്ലാ ജനറല് സെക്രട്ടറി ലിജിന് ലാല്, ജില്ലാ വൈസ് പ്രസിഡന്റ് റ്റി.എ ഹരികൃഷ്ണന്, മഹിളാ മോര്ച്ച സംസ്ഥാന സെക്രട്ടറി മിനി നന്ദകുമാര്, ന്യൂനപക്ഷ മോര്ച്ച സംസ്ഥാന സെക്രട്ടറി ജിജോ ജോസഫ്, നിയോജകമണ്ഡലം ജനറല് സെക്രട്ടറിമാരായ കെ.എസ്. കണ്ണന്, ജഗജിത്ത് കര്ഷക മോര്ച്ച നിയോജകമണ്ഡലം പ്രസിഡന്റ് രാജേഷ് കുര്യനാട്, മഹിളാ മോര്ച്ച നിയോജക മണ്ഡലം പ്രസിഡന്റ് സന്ധ്യാ അനില്, യുവ മോര്ച്ച നിയോജക മണ്ഡലം പ്രസിഡന്റ് ഹരി എന്. നായര്, ന്യൂനപക്ഷ മോര്ച്ച നിയോജക മണ്ഡലം പ്രസിഡന്റ് ജോയി വര്ഗ്ഗീസ്, സി.എം പവിത്രന്, എസ് ആര് ഷിജോ, ഗ്രാമപഞ്ചായത്ത് മെമ്പര്മാരായ തുളസി വിജയന്, ശ്യാമളാ മോഹനന്, വി. ടി സുരേഷ്, അനിതാ ജയമോഹന്, യുവമോര്ച്ച ജില്ലാ വൈസ് പ്രസിഡന്റ് ജയകൃഷ്ണന്, ജില്ലാ സെക്രട്ടറി രാഹുല് രവികുമാര് തുടങ്ങിയവര് സംസാരിച്ചു.
തൊഴിലുറപ്പ് പദ്ധതി അട്ടിമറിക്കാന് ഉദ്യോഗസ്ഥ നീക്കം: കെ.പി. സുരേഷ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.