കുറവിലങ്ങാട്: കഴിഞ്ഞ നിയമസഭ-തദ്ദേശസ്വയംഭരണ സ്ഥാപന തെരഞ്ഞെടുപ്പില്‍ പാര്‍ട്ടിവിരുദ്ധ പ്രവര്‍ത്തനങ്ങള്‍ നടത്തിയ സിപിഐ നേതാവിനെതിരെയുള്ള പരാതിയില്‍ നടപടി വൈകുന്നതില്‍ സംസ്ഥാന-ജില്ലാ നേതൃത്വത്തിനെതിരെ ഉഴവൂര്‍ ലോക്കല്‍ കമ്മറ്റിയില്‍ ഭിന്നത രൂക്ഷമായി. യുഡിഎഫ് പാളയത്തില്‍നിന്ന് പാര്‍ട്ടിയിലെത്തിയ പ്രമുഖനേതാവ് യുഡിഎഫുമായി ചേര്‍ന്ന് പാര്‍ട്ടിയെ തകര്‍ക്കുന്നെന്നാണ് ആരോപണം. പാര്‍ട്ടിഘടകങ്ങളുടേയും പ്രവര്‍ത്തകരുടേയും പരാതി അന്വേഷിക്കാന്‍ എത്തിയ കമ്മാഷനംഗം പ്രവര്‍ത്തകരുടേയും കമ്മറ്റിയംഗങ്ങളുടേയും വികാരം കണക്കിലെടുക്കാതെ നേതാവിനെ സംരക്ഷിക്കുന്നതായി ആരോപണം ഉയര്‍ന്നു. പാര്‍ട്ടി പ്രവര്‍ത്തന പാരമ്പര്യമില്ലാതെ യുഡി.എഫില്‍നിന്ന് സിപിഐയില്‍ അംഗത്വം കിട്ടിയയുടന്‍ വര്‍ഗ്ഗ പോഷക സംഘടനകളില്‍ ഭാരവാഹിത്വം നല്‍കിയതിന് എതിരെയും ആക്ഷേപം ഉയര്‍ന്നിട്ടുണ്ട്. ചിലരുടെ ജില്ലാ-നിയോജകമണ്ഡലം ഭാരവാഹിത്വം നഷ്ടപ്പെടാതിരിക്കാനാണ് നേതാവിനെ സംരക്ഷിക്കുന്തായാണ് പ്രവര്‍ത്തകരുടെ ആരോപണം. ഏറെക്കാലത്തിനുശേഷം ഈ നേതാവിന്റെ പ്രവര്‍ത്തനങ്ങള്‍ പാര്‍ട്ടിക്ക് ദോഷം ചെയ്തിട്ടുണ്ടെന്നാണ് പൊതുവേ മേല്‍ഘടകങ്ങളുടെ വിലയിരുത്തല്‍. നേതാവിന് എതിരെയുള്ള പരാതിയില്‍ നടപടി ഉണ്ടായില്ലെങ്കില്‍ സിപിഐയില്‍നിന്ന് രാജി വെയ്‌ക്കുവാനാണ് പാര്‍ട്ടി പ്രവര്‍ത്തകരുടെ തീരുമാനം.
ഉഴവൂരില്‍ സിപിഐയില്‍ പൊട്ടിത്തെറി നേതാവിന് എതിരായ പരാതികളില്‍ നടപടി വേണമെന്ന് ആവശ്യം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.