ന്യൂദല്ഹി: റിയോ ഒളിമ്പിക്സില് ഗുസ്തിയിലൂടെ വെങ്കലനേട്ടം കൊയ്ത ഭാരതത്തെ പരിഹസിച്ച് പാക് പത്രപ്രവര്ത്തകന്.
സാക്ഷി മാലിക്കാണ് ഭാരതത്തിനായി മെഡല് നേടിയത്. എന്നാല് നേട്ടത്തെ പാക്ക് പത്രപ്രവര്ത്തകനായ ഒമര് ഖുറേഷി പരിഹസിക്കുകയായിരുന്നു. ബോളിവുഡ് താരം അമിതാഭ് ബച്ചന് ഒമറിന്റെ പരിഹാസത്തിന് തക്കതായ മറുപടി നല്കുകയും ചെയ്തു.
ഭാരതം റിയോയിലേക്ക് അയച്ചത് 119 മത്സരാര്ഥികളെയാണ്. അതില് വെങ്കല മെഡല് നേടിയത് ഒരാള് മാത്രം. 20 സ്വര്ണമെഡല് ലഭിച്ച പ്രതീതിയിലാണ് ഭാരതം അതിനെ വാഴ്ത്തുന്നതെന്നായിരുന്നു ഒമറിന്റെ ട്വിറ്ററിലൂടെയുള്ള പരിഹാസം.
ബിഗ്ബി ഇതിന് ചുട്ട മറുപടി നല്കി. തനിക്ക് ഇത് 1000 സ്വര്ണമെഡലുകള്ക്കു തുല്യമാണെന്നും എന്നിരുന്നാലും ഇത് പോരെന്നും കുറിച്ച ബച്ചന്, സാക്ഷിയിലും അവര് ഒരു സ്ത്രീയായതിലും അഭിമാനിക്കുന്നതായും കൂട്ടിച്ചേര്ത്തു.
