ഈരാറ്റുപേട്ട: സിപിഎം മുന് ബ്രാഞ്ച് സെക്രട്ടറി നടക്കല് പക്കാഴപ്പടി കെ.എം.നസീറിന്റെ കൊലപാതകം അന്വേഷിക്കുന്ന പോലീസിന്റെ നിഷ്ക്രിയത്വത്തിനെതിരെ നടത്തിയ ബിജെപി പോലീസ് സ്റ്റേഷന് മാര്ച്ചില് നസീറിന്റെ മക്കളും ബന്ധുക്കളും പങ്കെടുത്ത് സമരത്തിന് പിന്തുണ നല്കി. പരമ്പരാഗതമായി സിപിഎമ്മില് പ്രവര്ത്തിച്ചിരുന്ന കുടുംബത്തിലെ ഗൃഹനാഥനായ മുന് ബ്രാഞ്ച് സെക്രട്ടറി കെ.എം.നസീറിനെ സിപിഎം ഗുണ്ടകള്തന്നെ കൊലപ്പെടുത്തിയത് പാര്ട്ടിയെ ശുദ്ധീകരിക്കാന് ശ്രമിച്ചതിനുള്ള പ്രതികാരമായിരുന്നു. ലോക്കല് സെക്രട്ടറി നടത്തുന്ന സാമ്പത്തിക ക്രമക്കേടുകളും അഴിമതിയും തിരിച്ചറിഞ്ഞ നസീര് പാര്ട്ടിഘടകത്തില്തന്നെ പരാതിപ്പെട്ടതാണ് കൊലപാതകത്തില് കലാശിച്ചത്. കുത്തക വ്യവസായി ആറും റോഡും കയ്യേറി മതില് കെട്ടിയതിനെതിരെ കൊടികുത്തി തടഞ്ഞ ലോക്കല് കമ്മിറ്റി ലക്ഷങ്ങള് കോഴവാങ്ങി കയ്യേറ്റത്തിന് കാവലാളായത്. നേതൃത്വത്തിന്റെ ക്രമക്കേടുകള്ക്കെതിരെ സംസ്ഥാന-ജില്ലാ നേതൃത്വങ്ങള്ക്ക് പരാതി നല്കിയതിന് നസീറിനെ ബ്രാഞ്ച് സെക്രട്ടറി സ്ഥാനത്തുനിന്ന് നീക്കം ചെയ്യുകയായിരുന്നു. നീതി നിഷേധിക്കപ്പെട്ട പോലീസ് അന്വേഷണത്തില് അസംതൃപ്തരായ നസീറിന്റെ ബന്ധുക്കള് ബിജെപി നടത്തിയ പോലീസ് സ്റ്റേഷന് മാര്ച്ചില് പങ്കെടുത്ത് സിപിഎം നേതൃത്വത്തെ വെട്ടിലാക്കിയിരിക്കുകയാണ്.
മാര്ച്ചില് നസീറിന്റെ മക്കളും ബന്ധുക്കളും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.