ചാലക്കുടി: കൊരട്ടി റെയില്വെ സ്റ്റേഷനെ ഫഌഗ് സ്റ്റേഷന് ആക്കണമെന്ന ആവശ്യം ശക്തമാകുന്നു. വര്ഷങ്ങളായുള്ള ഈ ആവശ്യത്തെ അധികാരികള് കണ്ടില്ലെന്ന് നടിക്കുകയാണ്. കേരളത്തിലെ 52 ഹാള്ട്ട് സ്റ്റേഷനുകളില് ഏറ്റവും അധികം വരുമാനമുള്ളത് കൊരട്ടിയിലാണ്.
എന്നാല് ദീര്ഘ ദൂര ട്രെയിനുകള്ക്ക് സ്റ്റോപ്പ് അനുവദിക്കണമെന്ന ആവശ്യം നടപ്പിലാക്കിയിട്ടില്ല. ദിനംപ്രതി ആയിരത്തോളം സീസണ് ടിക്കറ്റ് യാത്രക്കാരും,അഞ്ഞൂറിലധികം മറ്റു യാത്രക്കാരും എത്തിച്ചേരുന്ന ഇവിടെ ഇപ്പോഴും പരാധീനതകള്ക്ക് നടുവിലാണ് പ്രവര്ത്തിക്കുന്നത്.സ്റ്റേഷന്റെ പ്രവര്ത്തനകള് നേതൃത്വം നല്കുന്ന ജനകീയ സമിതിയുടെ പ്രവര്ത്തന ഫലമാണ് ഇവിടുത്തെ നിരവധിയായ വികസന പ്രവര്ത്തനങ്ങള്ക്ക് കാരണം.ഈ സ്റ്റേഷന് നടത്തിപ്പ് ഏജന്റിനായിരുന്നു.നഷ്ടത്തിലായതിനാല് ഇയാള് ഉപേക്ഷിച്ചു പോയതിനെ തുടര്ന്നാണ് ജനകീയ സമിതി കഴിഞ്ഞ വര്ഷം പ്രവര്ത്തനം ഏറ്റെടുത്തത്.ദൈനംദിന പ്രവര്ത്തനങ്ങള് നടത്തുന്നത് ഇവിടെ നിന്ന് ലഭിക്കുന്ന തുച്ഛമായ കമ്മീഷന് കൊണ്ടാണ്.
ദീര്ഘദൂര ട്രെയിനായ വേണാട് എക്സ്പ്രസിന് കൊരട്ടിയില് സ്റ്റോപ്പ് അനുവദിക്കണമെന്നാണ് നാട്ടുകാരുടേയും, യാത്രക്കാരുടേയും പ്രധാന ആവശ്യം. ദീര്ഘദൂര ട്രെയിനുകള്ക്ക് ഇവിടെ സ്റ്റോപ്പ് അനുവദിച്ചാല് കൊരട്ടി ഇന്ഫോപാര്ക്ക്, കിന്ഫ്ര തുടങ്ങിയ സ്ഥലങ്ങളിലെത്തുന്നവര്ക്ക് അത് വളരെ ഉപകാരപ്രദമായിരിക്കും.ഇപ്പോള് അങ്കമാലിയിലും ചാലക്കുടിയിലും ഇറങ്ങി വേണം കൊരട്ടിയിലെത്താന്. ദീര്ഘ ദൂര ട്രെയിനുകള്ക്ക് സ്റ്റോപ്പ് അനുവദിച്ചാല് കൊരട്ടിയുടെ വികസനത്തിനും വഴിയൊരുക്കും. ഡെമു സര്വ്വീസ് തൃശ്ശൂരിലേക്ക് നീട്ടുക,കൂടുതല് വെയ്റ്റിങ്ങ് ഷെഡ്, ഫുട് ഓവര് ബ്രിഡ്ജ്, അടിപ്പാത, എന്നിവ നടപ്പിലാക്കണമെന്ന് ജനകീയ സമിതി ആവശ്യപ്പെട്ടു. റെയില്വെ അധികൃതര് സ്റ്റേഷനോട് കാണിക്കുന്ന അവഗണന അവസാനിപ്പിക്കണമെന്നാണ് ജനകീയ സമിതി ആവശ്യപ്പെട്ടു.
നാളെ രാവിലെ 9ന് ജനകീയ സമിതിയുടെ പ്രവര്ത്തനങ്ങള്ക്ക് നേതൃത്വം നല്കുന്ന വനംവകുപ്പ് റെയ്ഞ്ച് ഓഫീസര് ഇ.എസ്.സദാനന്ദന്, സി.ടി,സെബാസ്റ്റ്യന്, പി.കെ.വിജയ സുന്ദരന് നായര്, സ്റ്റേഷന് പ്രവര്ത്തനങ്ങള്ക്ക് നേതൃത്വം നല്കുന്ന പി.കെ.ബാബു,പി.വി.കിഷോര് എന്നിവരെ ആദരിക്കും. റെയില്വെയുടെ എറണാകുളം ഏരിയ മാനേജര് ഡോ രാജേഷ് ചന്ദ്രന് ചടങ്ങില് മുഖ്യാതിഥിയായിരിക്കും.
