തിരുവനന്തപുരം: സിഐടിയുവിന്റെ നേതൃത്വത്തിലുള്ള സ്റ്റേറ്റ് വര്ക്കേഴ്സ് ഫെഡറേഷന് ഗതാഗത കമ്മീഷണര് ടോമിന് തച്ചങ്കരിക്കെതിരെ രംഗത്തു വന്നു. ഗതാഗത കമ്മീഷണര് ഏകപക്ഷീയമായി നടപ്പിലാക്കാന് ശ്രമിക്കുന്ന പരിഷ്ക്കാരങ്ങള് റോഡ് ഗതാഗത വ്യവസായത്തെ തകര്ക്കുമെന്ന് ഫെഡറേഷന് ഭാരവാഹികള് ആരോപിച്ചു. എട്ടു സീറ്റില് കൂടുതലുള്ള പാസഞ്ചര് വാഹനങ്ങള് ഓഗസ്റ്റ് 31ന് മുന്പ് സ്പീഡ് ഗവര്ണര് നിര്ബന്ധമായും ഘടിപ്പിക്കണമെന്ന ഉത്തരവ് ഇതിനുദാഹരണമാണെന്ന് ഭാരവാഹികള് പറയുന്നു.
ബാങ്കുകളില്നിന്നും വ്യക്തികളില്നിന്നും അമിത പലിശയ്ക്ക് പണം കടം വാങ്ങി സ്വയം തൊഴില് കണ്ടെത്തിയവരാണ് ഈ മേഖലയില് പണിചെയ്യുന്നവരിലേറെയും ഒരു വാഹനത്തിന് ഇരുപതിനായിരത്തിലേറെ രൂപാ ചിലവ് വരുന്ന ഈ പരിഷ്ക്കാരം ഈ മേഖലയിലെ തൊഴിലാളികള്ക്ക് താങ്ങാവുന്നതിനപ്പുറമുള്ള ബാദ്ധ്യതയാണ് അടിച്ചേല്പ്പിക്കുന്നത്. തീരുമാനം നടപ്പിലാക്കുന്നത് നിര്ത്തിവയ്ക്കുന്നതിന് ആവശ്യമായ അടിയന്തര നിര്ദ്ദേശം നല്കണമെന്ന് ഗതാഗതവകുപ്പ് മന്ത്രിയോട് സിഐടിയു ആവശ്യപ്പെട്ടു.
ട്രക്കര് തൊഴിലാളികളെ വിരട്ടിപ്പിടിച്ച് അമിത ഫൈന് ഈടാക്കുന്നത് തൊഴിലാക്കിയിരിക്കുകയാണ്. സ്ക്വാഡുകാര് കെഎസ്ആര്ടിസി ഉദേ്യാഗസ്ഥന്മാരുടെ ഒത്താശയിലാണ് ഇത്തരം കൃത്യങ്ങള് മോട്ടോര് വെഹിക്കിള് ഉദേ്യാഗസ്ഥര് നടപ്പാക്കുന്നത്. രംഗത്തെ പ്രശ്നങ്ങള് പരിഹരിക്കുന്നതിന് ബന്ധപ്പെട്ടവരുടെ യോഗം അടിയന്തിരമായി വിളിച്ചുചേര്ക്കുന്നതിന് ഗതാഗത മന്ത്രി മുന്കൈ എടുക്കണമെന്നും ഫെഡറേഷന് പ്രസിഡന്റ് അഡ്വ. കെ.ആര്. പത്മകുമാറും ജനറല് സെക്രട്ടറി കോട്ടയ്ക്കകം ശിവനും ആവശ്യപ്പെട്ടു. ഈ ആവശ്യങ്ങള് ഉന്നയിച്ചു തിരുവനന്തപുരം ജില്ലയിലെ ആര്ടി ഓഫീസുകളിലേക്ക് 6ന് മോട്ടോര് തൊഴിലാളി മാര്ച്ചും ധര്ണയും നടത്തും. പാറശാലയില് സി.കെ. ഹരീന്ദ്രന് എംഎല്എയും നെയ്യാറ്റിന്കരയില് കൊആര്സലന് എംഎല്എയും നെടുമങ്ങാട് അഡ്വ. ഡി.കെ. മുരളി എംഎല്എ കഴക്കൂട്ടത്ത് സിഐടിയു ജില്ലാ ട്രഷറര് പട്ടം പി. വാമദേവന്നായരും ആറ്റിങ്ങലില് അഡ്വ. ബി. സത്യം എംഎല്എയും ധര്ണ ഉദ്ഘാടനം ചെയ്യും.
