കണ്ണൂര്: പ്രണയത്തിന്റെ മറവില് ചതിക്കപ്പെട്ട് നിരവധി പെണ്കുട്ടികള് മതംമാറ്റപ്പെടുന്നത് ഭാരതീയമായ ശാസ്ത്രാവബോധത്തിന്റെ അഭാവം മൂലമാണെന്ന് കൊളത്തൂര് അദൈ്വതാശ്രമം മഠാധിപതി സ്വാമി ചിദാനന്ദപുരി. വിജ്ഞാനവാഹിനി ആദ്ധ്യാത്മിക പ്രചാരസഭയുടെ ആഭിമുഖ്യത്തില് കണ്ണൂരില് ആരംഭിച്ച ഉപനിഷത്ത് ജ്ഞാനസത്രത്തില് പ്രഭാഷണം നടത്തുകയായിരുന്നു അദ്ദേഹം.
പ്രണയവും പ്രണയിക്കുന്നവര് ഒന്നാകുന്നതും തെറ്റല്ലെങ്കിലും പ്രണയത്തിന്റെ മറവില് ചതിക്കപ്പെട്ട് മതംമാറ്റത്തിന് വിധേയരാകുന്നവരുടെ എണ്ണം ഏറിവരുന്നത് ഗൗരവമായി കാണണമെന്ന് ചിദാനന്ദപുരി സ്വാമികള് പറഞ്ഞു. ഭാരതത്തിന്റെ ധാര്മ്മികതയെ കുറിച്ചുള്ള അറിവ് പുതിയതലമുറക്ക് പകര്ന്നുകൊടുക്കാന് നമുക്ക് സാധിക്കാത്തതിന്റെ ദുരന്തഫലമാണിതെന്നും അദ്ദേഹം പറഞ്ഞു.
വൈദികമായ അറിവുകളെ സമൂഹത്തില് വാരിവിതറൂ എന്ന സ്വാമി വിവേകാനന്ദന്റെ ആഹ്വാനത്തിന് ഏറ്റവും പ്രസക്തിയുള്ള കാലഘട്ടമാണിതെന്നും സ്വാമിജി പറഞ്ഞു. കണ്ണൂര് നവനീതം ഓഡിറ്റോറിയത്തില് നടക്കുന്ന ഉപനിഷ്ത് ജ്ഞാനസത്രം ഓഗസ്റ്റ് ഏഴുവരെ നീണ്ടുനില്ക്കും.
