കണ്ണൂര്: രണ്ടാമത് പിവികെ കടമ്പേരി സ്മാരക പുരസ്ക്കാരം മികച്ച ബാലതാരത്തിനുള്ള സംസ്ഥാനചലച്ചിത്രപുരസ്ക്കാരവും നേടിയ കരുവണ്ണൂരിലെ അന്നഫാത്തിമക്ക്. ബാലസംഘത്തിന്റെ പ്രഥമരക്ഷാധികാരി സമിതി പ്രസിഡന്റും സംസ്ഥാന നിര്വാഹക സമിതി അംഗവുമായിരുന്ന പിവികെ കടമ്പേരി മാഷിന്റെ പേരിലുള്ള ട്രസ്റ്റാണ് പുരസ്ക്കാരം നല്കുന്നതെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. ആഗസ്ത് മൂന്നിന് കടമ്പേരി സി ആര് സി ഓഡിറ്റോറിയത്തില് വെച്ച് നടക്കുന്ന അനുസ്മരണസമ്മേളനത്തില് എം വി ഗോവിന്ദന് മാസ്റ്റര് പുരസ്ക്കാരം സമ്മാനിക്കും. നമ്മുക്ക് ജാതിയില്ല എന്ന വിഷയത്തില് നടക്കുന്ന സെമിനാറില് സ്വാമി ശുഭാന്കാനന്ദ സംസാരിക്കും.
രണ്ട് പെണ്കുട്ടികള് എന്ന സാമൂഹിക പ്രാധാന്യമുള്ള സിനിമയിലെ അശ്വതിയെന്ന കഥാപാത്രത്തിന് അന്ന ഫാത്തിമക്ക് കഴിഞ്ഞ തവണ മികച്ച ബാലതാരത്തിനുള്ള സംസ്ഥാന ചലച്ചിത്രപുരസ്കാരവും അടുത്തിടെ ലോസ് ഏഞ്ചലസ്സില് നടന്ന ലൈവ് ഇന്റര്നാഷണല് ചില്ഡ്രന്സ് ഫിലിം ഫെസ്റ്റിവെല്ലില് മികച്ച ബാലതാരമായും തെരഞ്ഞെടുക്കപ്പെട്ടിരുന്നു. നടുവണ്ണൂര് ഗവ. ഹയര്സെക്കണ്ടറി സ്കൂളിലെ എട്ടാംക്ലാസുകാരിയാണ് അന്ന. ഓറിയന്റല് ഫിലിം ഇന്സ്റ്റിറ്റിയൂട്ട് ഡയറക്ടറും സിനിമാസംവിധായകനുമായ സുരേഷ് അച്ചൂസിന്റെയും അഡ്വ ജോതിയുടെയും മകളാണ് അന്നഫാത്തിമ.ആമിയാ റോസ് ആണ് അന്ന സഹോദരി. 10001 രൂപയും ചിത്രന് കുഞ്ഞിമംഗലം രൂപകല്പന ചെയ്ത ശില്പവും ഫലകവുമടങ്ങിയതാണ് പുരസ്ക്കാരം. വാര്ത്താസമ്മേളനത്തില് ബാലസംഘം സംസ്ഥാന പ്രസിഡന്റ് പി.വി. സച്ചിന്, സെക്രട്ടറി എം.രണ്ദീഷ്, കണ്വീനര് എം.പ്രകാശന് മാസ്റ്റര്, അഴീക്കോടന് ചന്ദ്രന്, കടമ്പേരി മാസ്റ്റരുടെ മകന് പി.വി.രാജേഷ് എന്നിവര് പങ്കെടുത്തു.
