കണ്ണൂര്: ജില്ലയുടെ വിവിധഭാഗങ്ങളില് മതതീവ്രവാദസംഘങ്ങളുടെ പ്രവര്ത്തനം ശക്തമാകുന്നു. ചാരിറ്റബിള് ട്രസ്റ്റുകളുടെയും വിദ്യാഭ്യാസ സ്ഥാപനങ്ങളുടെയും മറവിലാണ് മിക്ക സ്ഥലങ്ങളിലും ഇത്തരം രാജ്യദ്രോഹശക്തികള് പ്രവര്ത്തിക്കുന്നത്. മിക്ക സ്ഥാപനങ്ങള്ക്കും രാജ്യത്തിനകത്തും പുറത്തുനിന്നുമായി കോടികളുടെ സാമ്പത്തിക സഹായമാണ് ലഭിക്കുന്നത്. അന്താരാഷ്ട്ര തീവ്രവാദ സംഘടനകളുടെ സഹായത്തോടെ നാറാത്ത് പ്രദേശത്ത് തീവ്രവാദ പരിശീലനം നടന്നത് തണല് എന്ന ചാരിറ്റബിള് ട്രസ്റ്റിന്റെ മറവിലായിരുന്നു. മെഡിക്കല് ക്യാമ്പിന്റെയും മറ്റ് ജനസേവനത്തിന്റെയും മറവിലാണ് മാസങ്ങളോളം ആയുധ പരിശീലനവും തീവ്രവാദ ക്ലാസുകളും നടന്നത്. സമീപവാസികള്ക്കുപോലും ഇത് സംബന്ധിച്ച് പൂര്ണ്ണമായ വിവരങ്ങളുണ്ടായിരുന്നില്ല. ജില്ലയുടെ വിവിധ ഭാഗങ്ങളില് നിന്നുള്ള തെരഞ്ഞെടുത്ത ഇരുപതോളം പ്രവര്ത്തകര്ക്ക് പരിശീലനം നല്കുന്നതിനിടെയാണ് പോലീസ് ഇവരെ അറസ്റ്റ് ചെയ്തത്. നാറാത്ത് ആയുധപരിശീലന ക്യാമ്പില്നിന്നും രാജ്യസുരക്ഷയെ ബാധിക്കുന്നതുള്പ്പടെ നിരവധി രേഖകളാണ് പോലീസ് പിടിച്ചെടുത്തത്. മനുഷ്യരൂപമുണ്ടാക്കി അതിലേക്ക് വെടിവെച്ച് പരിശീലനം നല്കുന്നതുള്പ്പടെ നിരവധി തരത്തിലുള്ള അക്രമമുറകള് ഇവിടെ നിന്ന് പരിശീലിപ്പിച്ചതായി അന്വേഷണംസംഘം കണ്ടെത്തിയിരുന്നു. നാറാത്ത് ആയുധപരിശീലന കേന്ദ്രത്തിന്റെ പ്രവര്ത്തനം നിലച്ചെങ്കിലും ജില്ലയുടെ വിവിധ ഭാഗങ്ങളില് ഇത്തരം പ്രവര്ത്തനങ്ങള് സജീവമാണ്. കാശ്മീരില് തീവ്രവാദി നേതാവ് ഇന്ത്യന് സുരക്ഷാ സേനയുമായുണ്ടായ ഏറ്റുമുട്ടലില് കൊല്ലപ്പെട്ടതില് പ്രതിഷേധിച്ച് ജില്ലയുടെ ചില ഭാഗങ്ങളില് പ്രകടനം നടത്തിയതുമായി ബന്ധപ്പെട്ട് രഹസ്യാന്വേഷണ വിഭാഗം അന്വേഷണം ഊര്ജ്ജിതമാക്കിയിട്ടുണ്ട്. കൂത്തുപറമ്പിനടുത്ത പറമ്പായിയില് പാക്കിസ്ഥാന് പതാകയുമേന്തി ഒരു വിഭാഗം പ്രകടനം നടത്തിയതായി രഹസ്യാന്വേഷണ വിഭാഗത്തിന് വ്യക്തമായ വിവരം ലഭിച്ചിട്ടുണ്ട്. വിവിധ തീവ്രവാദക്കേസുകളുമായി ബന്ധപ്പെട്ട് പറമ്പായിയിലെ ഒന്നിലധികം പേര് ഇപ്പോള് രഹസ്യാന്വേഷണ വിഭാഗത്തിന്റെ നിരീക്ഷണത്തിലാണ്. ബംഗളൂരു സ്ഫോടനക്കേസില് പ്രതിയായി ഒളിവില് കഴിയുന്ന സലിം എന്നയാള് പറമ്പായി സ്വദേശിയാണ്. സലിമിനെ പിടികൂടാന് രഹസ്യാന്വേഷണ വിഭാഗം വലവരിച്ച് നില്ക്കുമ്പോഴും ഇയാള് രാത്രികാലങ്ങളില് വീട്ടില് വന്ന് പോകാറുണ്ടെന്ന് നാട്ടുകാര് ആരോപിക്കുന്നു. കളമശ്ശേരി ബസ്സ് കത്തിക്കല് കേസില് പ്രതിയായ മജീദ് എന്നയാളും പറമ്പായി സ്വദേശിയാണ്. വിദേശരാജ്യങ്ങളില് ജോലിക്ക് പോയി വര്ഷങ്ങളായി നാട്ടില് വരാത്തവരും വിട്ടുകാരുമായി ബന്ധം വെക്കാത്തവരുമായി നിരവധിപേര് ഈ പ്രദേശത്തുണ്ട്. തീവ്രവാദക്കേസുകളില് പ്രതികളായവരും ഇപ്പോള് രഹസ്യാന്വേഷണ വിഭാഗത്തിന്റെ നിരീക്ഷണത്തിലുള്ളവരുടെയും സാമ്പത്തിക സ്രോതസ്സുകള് അന്വേഷിക്കണമെന്ന് വിവിധ കോണുകളില് നിന്ന് ആവശ്യമുയര്ന്നിട്ടുണ്ടെങ്കിലും ഇതുസമ്പന്ധിച്ച് അധികൃതരുടെ ഭാഗത്തുനിന്ന് ആവശ്യമായ നടപടികളുണ്ടായിട്ടില്ലെന്ന ആരോപണം ശക്തമാണ്. നേരത്തെ തീവ്രവാദക്കേസുകളില് അറസ്റ്റിലായവര് ഇപ്പോള് കോടികള് വിലമതിക്കുന്ന മണിസൗധങ്ങളിലാണ് താമസിക്കുന്നത്. വ്യക്തികള്ക്ക് മാത്രമല്ല ചില മതതീവ്രവാദ സംഘടനകള്ക്കും വിദേശത്ത് നിന്നുള്പ്പടെ കോടികള് ലഭിക്കുന്നുണ്ട്.
ജില്ലയില് മതതീവ്രവാദം ശക്തമാകുന്നു; സാമ്പത്തിക സ്രോതസ്സ് അന്വേഷിക്കണമെന്ന ആവശ്യം ശക്തം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.