കാസര്കോട്: ബാങ്ക് വായ്പയെടുത്ത് റവന്യൂ റിക്കവറി നടപടികള് നേരിടുന്നവര്ക്ക് ജില്ലയിലെ വിവിധ വില്ലേജ് ഓഫീസുകളില് ബാങ്ക് അധികാരികളുടെ സഹകരണത്തോടെ ആഗസ്റ്റില് ബാങ്ക് വായ്പ അദാലത്ത് നടത്തും. അദാലത്തില് ബാങ്ക് മാനേജര്മാരും റവന്യൂ ഉദ്യോഗസ്ഥരും പങ്കെടുക്കുന്നതും പരമാവധി ഇളവുകള് അനുവദിക്കുന്നതുമാണ്. ഈ അവസരം പരമാവധി ഉപയോഗിച്ച് എല്ലാ കുടിശ്ശികക്കാരും ജപ്തി നടപടികളില് നിന്നും ഒഴിവാകേണ്ടതാണെന്ന് ജില്ലാ കളക്ടര് ഇ ദേവദാസന് അറിയിച്ചു. വെളളരിക്കുണ്ട് താലൂക്കില് അദാലത്ത് നടത്തുന്ന വില്ലേജ്, തീയതി, സ്ഥലം എന്നിവ താഴെ കൊടുക്കുന്നു.
ബളാല്, പരപ്പ-ആഗസ്റ്റ് 17-പരപ്പ വില്ലേജ് ഓഫീസ്, മാലോത്ത്-18-മാലോത്ത് വില്ലേജ് ഓഫീസ്, കളളാര്, പനത്തടി-19-പനത്തടി വില്ലേജ് ഓഫീസ്, ബേളൂര്, കോടോത്ത്, തായന്നൂര്-22-ബേളൂര് വില്ലേജ് ഓഫീസ്, ഭീമനടി, വെസ്റ്റ് എളേരി-23-ഭീമനടി വില്ലേജ് ഓഫീസ്, ചിറ്റാരിക്കാല്, പാലവയല്- 25-ചിറ്റാരിക്കാല് വില്ലേജ് ഓഫീസ്, കിനാനൂര്, കരിന്തളം-26-കിനാനൂര് വില്ലേജ് ഓഫീസ്.
