ഗുര്‍ദീപ് സിങിന്റെ വധശിക്ഷ നടപ്പാക്കിയില്ല: സുഷമ സ്വരാജ്

ന്യൂദല്‍ഹി: ഇന്തോനേഷ്യയില്‍ വധശിക്ഷയ്‌ക്ക് വിധിക്കപ്പെട്ട ഭാരത പൗരനായ ഗുര്‍ദീപ് സിങിന്റെ ശിക്ഷ നടപ്പാക്കിയില്ലെന്ന് വിദേശകാര്യ മന്ത്രി സുഷമ സ്വരാജ്.

ഇന്നലെ രാത്രി നടപ്പാക്കാനിരുന്ന ശിക്ഷ നടപ്പാക്കിയില്ലെന്ന് ഇന്തോനേഷ്യയിലെ ഭാരത സ്ഥാനപതി അറിയച്ചുവെന്ന് സുഷമ ട്വീറ്ററിലൂടെ വ്യക്തമാക്കി.

കുറ്റവാളികളായ നാല് പേരുടെ വധശിക്ഷ നടപ്പാക്കിയെങ്കിലും ഗുര്‍ദീപ്പിന്റെ ശിക്ഷ മാത്രം നടപ്പാക്കിയില്ല. അവസാന നിമിഷം വരെ സുഷമ സ്വരാജ് നടത്തിയ പരിശ്രമത്തിന്റെ ഫലമായാണ് ഗുര്‍ദീപ് തൂക്കു കയറില്‍ നിന്ന് രക്ഷ നേടിയത്.

മയക്ക് മരുന്ന് കടത്തിയ കേസിലാണ് 48 വയസുകാരനായ ഗുര്‍ദീപിനേയും മറ്റ് 14 പേരേയും വധ ശിക്ഷയ്‌ക്ക് വിധിച്ചത്. ഗുര്‍ദീപ് ഒഴികെയുള്ള മറ്റ് 14 പേരുടെയും വധശിക്ഷ ഇതിനു മുമ്പ് നടപ്പാക്കി കഴിഞ്ഞു.

മയക്കുമരുന്ന് കള്ളക്കടത്തുകള്‍ക്കെതിരെ ശക്തമായ നിയമം നിലനില്‍ക്കുന്ന രാജ്യമാണ് ഇന്തോനേഷ്യ. ഇന്തോനേഷ്യയില്‍ വധശിക്ഷ താല്‍ക്കാലികമായി നിരോധിച്ചിരുന്നെങ്കിലും മനുഷ്യാവകാശ പ്രവര്‍ത്തകരുടെ പ്രതിഷേധങ്ങള്‍ മറികടന്ന് മൂന്ന് വര്‍ഷം മുമ്പ് തിരികെ കൊണ്ടുവരികയായിരുന്നു.

Indian Ambassador in Indonesia has informed me that Gurdip Singh whose execution was fixed for last night, has not been executed.

— Sushma Swaraj (@SushmaSwaraj) July 29, 2016