കണ്ണൂര്: ജില്ലയില് ആദ്യമായി കരിമ്പനി റിപ്പോര്ട്ട് ചെയ്ത സാഹചര്യത്തില് ആരോഗ്യവകുപ്പ് പ്രതിരോധ നടപടികള് ശക്തമാക്കി. കോട്ടയം ജില്ല കേന്ദ്രമാക്കി പ്രവര്ത്തിക്കുന്ന വിസിആര്സിയിലെ ഉദ്യോഗസ്ഥര് ഇന്ന് കണ്ണൂരിലെത്തും. കരിമ്പനി ബാധിതനായ വിദ്യാര്ത്ഥി പഠിക്കുന്ന സകൂളിലും വീടിന്റെ ചുറ്റുപാടും വിദഗ്ധ സംഘം പരിശോധന നടത്തും. ഇവര് നടത്തുന്ന പഠനത്തിന്റെ അടിസ്ഥാനത്തില് ജില്ലയില് കൂടുതല് ശക്തമായ പ്രതിരോധ നടപടികളും ബോധവത്കരണ ക്ലാസുകളും ആരോഗ്യവകുപ്പ് നടത്തും.
ജില്ലാ വെക്ടര് കണ്ട്രോള് ഇന്സെക്ട് കളക്ഷന് നടത്തി. വ്യക്തിശുചിത്വം പാലിക്കുകയാണ് കരിമ്പനിയെ പ്രതിരോധിക്കാനുള്ള വഴിയെന്നും ജില്ലാ മെഡിക്കല് ഓഫീസര് പറഞ്ഞു. കരിമ്പനിയുടെ ലക്ഷണമായി ഏറ്റവും അധികമായി കാണപ്പെടുന്നത് തൊലിപ്പുറമെയുള്ള ലിഷ്മാനിയാസിസ് ആണ്. തൊലിയുടെ പുറമെ ചെറിയ കുരുപോലെയാണ് ആരംഭിക്കാറെങ്കിലും പിന്നീട് വ്രണമായി മാറും. രണ്ടാഴ്ചയില് കൂടുതല് നീണ്ടുനില്ക്കുന്ന പനി, ക്ഷീണം, ശരീരത്തിന്റെ തൂക്കം കുറയല് എന്നിവയാണു ലക്ഷണങ്ങള്. അണുബാധയും രക്തസ്രാവവും ഉണ്ടാകാം. യഥാസമയം ചികിത്സിച്ചില്ലെങ്കില് മരണകാരണമായി ഭവിക്കാം. ഇത്തരം ലക്ഷണങ്ങള് കരിമ്പനിയുടെ ലക്ഷണമായി ആരോഗ്യവിദഗ്ധര് പറയുന്നു. പ്രാണിജന്യ സാംക്രമിക രോഗമാണിത്. പടര്ന്നുപിടിക്കാന് സാധ്യതയുള്ളതിനാല് ആരോഗ്യവകുപ്പ് അധികൃതര് ജാഗ്രതയിലാണ്.
