കണ്ണൂര്: നോര്ത്ത്മലബാര് ചേമ്പര് ഓഫ് കൊമേഴ്സ് സംഘടിപ്പിക്കുന്ന ‘ഇന്വെസ്റ്റ് ഇന് നോര്ത്ത് മലബാര്’ സംരംഭകസ്വസദസ്സ് ആഗസ്റ്റ് 6 ന് കൊച്ചിയില് നടക്കും. കണ്ണൂര് വിമാനത്താവളം അഴീക്കല് പോര്ട്ട് തുടങ്ങി വിവിധ അതിനൂതന പദ്ധതികളാണ് കണ്ണൂരില് പുരോഗമിക്കുന്നത്. ഈ പദ്ധതികള് നടപ്പിലാകുന്നതോടെ നോര്ത്ത് മലബാര് അന്തര്ദേശീയ തലത്തിലേക്ക് ഉയരും ഇതിന്റെ ഭാഗമായി പ്രമുഖ സ്ഥാപനങ്ങളെയും വ്യവസായമേഖലയിലെ പ്രമുഖരേയും കണ്ണൂരിലേക്ക് ആകര്ഷിക്കുകയാണ് ലക്ഷ്യമെന്ന് ഭാരവാഹികള് പത്രസമ്മേളനത്തില് പറഞ്ഞു. ആരോഗ്യം, ടൂറിസം, വിദ്യാഭ്യാസം, സാങ്കേതിക വിദ്യ, കൃഷിയും അനുബന്ധവ്യവസായം തുടങ്ങിയവയില് കണ്ണൂരില് കൂടുതല് സാധ്യതകള് ഉണ്ട്. ഈ സാധ്യതകള് ഉപയോഗപ്പെടുത്തുകയാണ് ലക്ഷ്യം. 6 ന് കൊച്ചിയില് നടക്കുന്ന സംരംഭകസ്വസദസ്സ് മുഖ്യമന്ത്രി പിണറായി വിജയന് ഉദ്ഘാടനം ചെയ്യും. വ്യവസായി രംഗത്തെ നിരവധി പ്രമുഖരും പരിപാടിയില് പങ്കെടുക്കും. പത്രസമ്മേളനത്തില് നോര്ത്ത് മലബാര് ചേമ്പര് ഓഫ് കൊമേഴ്സ് പ്രസിഡന്റ് സുശീല് ആറോണ്, വൈസ് പ്രസിഡന്റ് സി.വി.ദീപക്, സെക്രട്ടറി സച്ചിന് സൂര്യകാന്ത്, ജോ.സെക്രട്ടറി മാത്യൂ സാമുവല്, ഐ.എന്.എം. കണ്വീനര് പി.ഷാഹിന് എന്നിവര് പങ്കെടുത്തു.
നോര്ത്ത്മലബാര് ചേമ്പര് ഓഫ് കൊമേഴ്സ് സംരംഭകത്വ സദസ്സ് ആഗസ്റ്റ് 6ന് കൊച്ചിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.