കണ്ണൂര്: ആര്ട്ട് ഓഫ് ലിവിംങ്ങ് 35-ാം വാര്ഷികാഘോഷത്തിന്റെ ഭാഗമായി ഗുരുപൂര്ണ്ണിമാദിനത്തില് പരിസ്ഥിതി, കൃഷി, ജലസംരക്ഷണ പ്രവര്ത്തനങ്ങള് നടത്തി. പരിപാടിയുടെ ജില്ലാതല ഉദ്ഘാടനം ജില്ലാ പ്രസിഡണ്ട് പവനാനന്ദന്റെ അധ്യക്ഷതയില് സ്വാമി ആത്മചൈതന്യ നിര്വ്വഹിച്ചു. ഗുരുപൂര്ണ്ണിമയുടെ പ്രാധാന്യത്തെപ്പറ്റി സ്വാമി അനുഗ്രഹ പ്രഭാഷണം നടത്തി. പരിസ്ഥിതിയുടെ വര്ത്തമാനം’ എന്ന വിഷയത്തില് സീക്ക് ഡയറക്ടര് ടി.പി.പത്മനാഭന് സംസാരിച്ചു. പരിസ്ഥിതി കൃഷി മേഖലകളില് കൂടുതല് ശ്രദ്ധേയമായ പ്രവര്ത്തനങ്ങള് നടത്തുവാനുള്ള ശ്രീശ്രീ കര്ഷക സംഘത്തിന്റെ സമാരംഭം ചടങ്ങില് നടന്നു. ഹരിദാസ് മംഗലശ്ശേരി പരിസ്ഥിതി, കാര്ഷിക റിപ്പോര്ട്ട് അവതരിപ്പിച്ചു. കര്ഷക അവാര്ഡ് ജേതാവ് സി.വി.ജിദേഷ് പരിസ്ഥിതി രചനാ മത്സരവിജയികളായ അനന്ദു കെ.പി, ടി.ഫിഡല്, അഞ്ജിത സുരേഷ് എന്നിവരെ ചടങ്ങില് ആദരിച്ചു.
രുഗ്മാഗ ചരിതം ആസ്പദമാക്കിയുള്ള മോഹിനിയാട്ടം പ്രമുഖ നര്ത്തകി ശ്രീവിദ്യ പ്രശാന്ത് അവതരിപ്പിച്ചു. സംസ്ഥാന സമിതി അംഗങ്ങളായ കെ.പി.പ്രശാന്ത് ശങ്കരനാരായണന്, ഏകനാഥന്, ഉണ്ണികൃഷ്ണന്, അഖിലേഷ് എന്നിവര് സംസാരിച്ചു. തുടര്ന്ന് നടന്ന ഭജന സന്ധ്യക്ക് പ്രസാദ് മുള്ളൂല്, പ്തമകുമാര് എന്നിവര് നേതൃത്വം നല്കി. വി.വി.മനോജ് സ്വാഗതവും മധുസൂദനന് കക്കോത്ത് നന്ദിയും പറഞ്ഞു.
