കറുകച്ചാല്: വാഴൂര് റോഡില് നിന്നും കറുകച്ചാല് ബസ് സ്റ്റാന്ഡിലേക്ക് അമിത വേഗതയില് എത്തുന്ന ബസുകളെ നിയന്ത്രിക്കണമെന്ന് പൊതുജനങ്ങള്. ഇത്തരത്തില് അമിതവേഗതയില് ബസ്സുകള് എത്തുമ്പോള് അപകട ഭീതിയില് ഒഴിഞ്ഞു മാറുന്നത് വഴി നിരവധി യാത്രക്കാര്ക്കാണ് പരിക്ക് പറ്റിയിട്ടുള്ളത്. വിവിധ സ്ഥലങ്ങളിലേക്ക് പോകുവാനായിട്ടുള്ള ജനങ്ങള് അതിനാല് വളരെ ഭീതിയോടെയാണ് ബസ് കാത്തുനില്ക്കുന്നത്. സ്ഥലപരിമിതിയാല് വീര്പ്പുമുട്ടുന്ന ബസ് സ്റ്റാന്ഡില് ബസുകള് എപ്പോള് പാഞ്ഞുകയറി വരുമെന്നു നോക്കിയാണ് യാത്രക്കാര് നില്ക്കുന്നത്. മണിമല റോഡില് നിന്നും ബസുകള് അമിത വേഗത്തിലാണ് സ്റ്റാന്ഡില് എത്തുന്നത്. വാഴൂര് ഭാഗത്തു നിന്നും വരുന്ന ചില വാഹനങ്ങള് സ്റ്റാന്ഡില് കയറാതെ സ്റ്റാന്ഡു കവാടത്തില് നിര്ത്തി ആളെ ഇറക്കുന്നതിനാല് സ്റ്റാന്ഡില് കാത്തുനില്ക്കുന്നവര്ക്ക് ഈ ബസുകളില് കയറാന് സാധിക്കുന്നില്ല. ബസ്സുകള് തമ്മില് മത്സര ഓട്ടമായതിനാല് യാത്രക്കാര് വളരെ അധികം ബുദ്ധിമുട്ട് അനുഭവിക്കുന്നു. സമയകൃത്യത പാലിക്കാത്തതാണ് അധികവും മത്സരഓട്ടത്തിനു കാരണം. ചില ബസുകള് ബസ് സ്റ്റോപ്പുകളില് വിദ്യാര്ത്ഥികളെ കയറ്റുന്നില്ലന്നു പരാതിയുണ്ട്.
അമിത വേഗത്തില് എത്തുന്ന ബസുകളെ നിയന്ത്രിക്കണമെന്ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.