കണ്ണൂര്: ലോക ജനസംഖ്യ ദിനത്തിന്റെയും ജനസംഖ്യ സ്ഥിരത പക്ഷാചരണത്തിന്റെയും ജില്ലാതല ഉദ്ഘാടനം അഴീക്കോട് സി എച്ച് സി യില് ജില്ലാ കലക്ടര് പി.ബാലകിരണ് നിര്വഹിച്ചു. കണ്ണൂര് ബ്ലോക്ക് പഞ്ചായത്ത് പ്രസിഡണ്ട് കുടുവന് പത്മനാഭന് അധ്യക്ഷനായിരുന്നു. പക്ഷാചരണ സന്ദേശമായ ആസൂത്രണം ചെയ്യൂ ഉത്തരവാദിത്വം നിറവേറ്റൂ എന്ന വിഷയത്തെക്കുറിച്ച് ഡിഎംഒ ഡോ.പി.കെ.ബേബി സംസാരിച്ചു.
അഴീക്കോട് ഗ്രാമപഞ്ചായത്ത് പ്രസിഡണ്ട് സി.പ്രസന്ന, കണ്ണൂര് ബ്ലോക്ക് പഞ്ചായത്ത് ആരോഗ്യകാര്യ സ്ഥിരം സമിതി അധ്യക്ഷന് കെ.മോഹനന്, വാര്ഡ് മെമ്പര് കെ.കെ.മിനി, ടെക്നിക്കല് അസിസ്റ്റന്റ് പി.സുനില്ദത്തന്, ജില്ലാ എജുക്കേഷന് & മീഡിയ ഓഫീസര് കെ.എന്. അജയ് എന്നിവര് സംസാരിച്ചു. മെഡിക്കല് ഓഫീസര് ഡോ.ബി.സന്തോഷ് സ്വാഗതവും ഹെല്ത്ത് സൂപ്പര്വൈസര് ഇ.ഹരീന്ദ്രന് നന്ദിയും പറഞ്ഞു. കുടുംബാസൂത്രണ മാര്ഗങ്ങളെക്കുറിച്ച് പ്രദര്ശനവും നടന്നു. 24 വരെ നടക്കുന്ന പക്ഷാചരണ കാലയളവില് ജില്ലയിലുടനീളം ആരോഗ്യവകുപ്പിന്റെ നേതൃത്വത്തില് ബോധവല്ക്കരണ ക്ലാസുകള്, സെമിനാറുകള്, പ്രദര്ശനങ്ങള്, സ്ത്രീകള്ക്കും പുരുഷന്മാര്ക്കുമുളള വന്ധ്യംകരണശസ്ത്രക്രിയാ ക്യാമ്പുകള് തുടങ്ങിയവ നടത്തും.
