ആലപ്പുഴ: ജില്ലയിലെ വിവിധ പോളിടെക്‌നിക് കോളേജുകളിലെ ഒന്നാംവര്‍ഷ ഡിപ്ലോമ പ്രവേശനത്തിനുള്ള ഒന്നാംഘട്ട കൗണ്‍സിലിങ് 11, 12 തീയതികളില്‍ ചേര്‍ത്തല ഗവ. പോളിടെക്‌നിക് കോളേജില്‍ നടക്കും.
11ന് സ്ട്രീല്‍ 1ല്‍ 1,600 റാങ്കുവരെയുള്ള എല്ലാ അപേക്ഷകരും, 1,700 റാങ്കുവരെയുള്ള എല്ലാ സംവരണ വിഭാഗക്കാരും, 2,000 റാങ്കുവരെയുള്ള മുസ്ലീം വിഭാഗക്കാരും 2,300 റാങ്കു വരെയുള്ള കുടുംബി വിഭാഗക്കാരും 2,500 റാങ്കുവരെയുള്ള പട്ടികജാതിക്കാരും, 4,000 റാങ്കു വരെയുള്ള പിന്നാക്ക ക്രിസ്ത്യന്‍, ഐടിഐ, വിഎച്ച്എസ്ഇ വിഭാഗക്കാരും റാങ്ക് ലിസ്റ്റില്‍ ഉള്‍പ്പെട്ടിട്ടുള്ള എല്ലാ ടെക്‌നിക്കല്‍ ഹൈസ്‌കൂള്‍, കുശവ, അനുബന്ധ വിഭാഗക്കാരും പട്ടികവര്‍ഗ്ഗ വിഭാഗക്കാരും അംഗപരിമിത വിഭാഗക്കാരും കൗണ്‍സിലിങില്‍ പങ്കെടുക്കണം.
റാങ്ക് ഒന്നുമുതല്‍ 1,600 വരെയുള്ള എല്ലാ അപേക്ഷകരും രാവിലെ 7.30മുതല്‍ ഒന്‍പതിനു മുമ്പായും റാങ്ക് 1,601 മുതല്‍ 1,700 വരെയുള്ള എല്ലാ സംവരണ വിഭാഗക്കാരും ഒന്‍പതുമണിമുതല്‍ പത്തുവരെയും രജിസ്റ്റര്‍ ചെയ്യണം.
1,701 മുതല്‍ 2,000 വരെയുള്ള മുസ്ലീം വിഭാഗക്കാരും 1,701 മുതല്‍ 2,300 വരെയുള്ള കുടുംബിവിഭാഗക്കാരും 1,701 മുതല്‍ 2,500 വരെയുള്ള പിന്നാക്ക ക്രിസ്ത്യന്‍, ഐടിഐ, വിഎച്ച്എസ്ഇ വിഭാഗക്കാരും 1,701 മുതല്‍ റാങ്ക്‌ലിസ്റ്റില്‍ ഉള്‍പ്പെട്ടിട്ടുള്ള ടിഎച്ച്എസ്എല്‍സി, പട്ടികവര്‍ഗ്ഗ, കുശവ, അനുബന്ധ വിഭാഗക്കാരും, അംഗപരിമിത വിഭാഗക്കാരും ഒന്നുമുതല്‍ 2 മണിവരെ രജിസ്റ്റര്‍ ചെയ്ത് കൗണ്‍സിലിങില്‍ പങ്കെടുക്കണം.
12ന് കായംകുളം വനിതാ പോളിടെക്‌നിക് കോളേജിലെ സ്ട്രീല്‍ 2ല്‍പ്പെട്ട കൊമേഴ്‌സ്യല്‍ പ്രാക്ടീസ് കോഴ്‌സിലേക്ക് റാങ്ക് ഒന്നുമുതല്‍ 1,000 വരെയുള്ള എല്ലാ വിഭാഗക്കാരും, കൂടാ തെ റാങ്ക് ലിസ്റ്റില്‍ ഉള്‍പ്പെട്ടിട്ടുള്ള വിഎച്ച്എസ്ഇ, പിന്നാക്ക ക്രിസ്ത്യന്‍, അംഗപരിമിതര്‍, കുശവ, അനുബന്ധ വിഭാഗക്കാരും പട്ടികവര്‍ഗ്ഗ വിഭാഗത്തില്‍പ്പെട്ടവരും രാവിലെ എട്ടുമുതല്‍ ഒന്‍പതു വരെ രജിസ്റ്റര്‍ ചെയ്ത് കൗണ്‍സിലിങില്‍ പങ്കെടുക്കണം.
ഉച്ചയ്‌ക്ക് 12 മുതല്‍ ഒന്നുവരെയുള്ള കാര്‍മ്മല്‍ പോളിടെക്‌നിക് കോളേജിലെ സ്വാശ്രയ കോഴ്‌സുകളിലേക്ക് അപേഭിച്ചവര്‍ രജിസ്റ്റര്‍ ചെയ്ത് കൗണ്‍സിലിങില്‍ പങ്കെടുക്കണം. കൗണ്‍സിലിങില്‍ പങ്കെടുക്കുന്നവര്‍ ടിസി ഒഴികെയുള്ള എല്ലാ സര്‍ട്ടിഫിക്കറ്റുകളും ഹാജരാക്കണം.
ഏതെങ്കിലും പോളിടെക്‌നിക് കോളേജില്‍ അഡ്മിഷന്‍ ലഭിച്ചിട്ടുള്ളവരും ബ്രാഞ്ച് മാറ്റം ആഗ്രഹിക്കുന്നവരും കൗണ്‍സിലിങില്‍ പങ്കെടുക്കുമ്പോള്‍ അഡ്മിഷന്‍ സ്ലിപ്പ്, ഫീസടച്ച രസീത് തുടങ്ങിയ രേഖകള്‍ ഹാജരാക്കണം. ഫീസിനത്തില്‍ ഏകദേശം 5,000 രൂപ കരുതേണ്ടതാണ്.
