കണ്ണൂര്‍: എബിവിപി സമരക്കാര്‍ക്കെതിരെ പോലീസ് വളപട്ടണത്ത് അതിക്രമം. പൊതുവിദ്യാഭ്യാസം സംരക്ഷിക്കുക, പോളി അടിസ്ഥാന സൗകര്യം വര്‍ദ്ധിപ്പിക്കുക തുടങ്ങിയ ആവശ്യങ്ങളുന്നയിച്ച് എബിവിപി നടത്തിയ സെക്രട്ടേറിയറ്റ് മാര്‍ച്ചിനെതിരെ എസ്എഫ്‌ഐക്കാരും പോലീസും ചേര്‍ന്ന് നടത്തിയ അതിക്രമത്തില്‍ പ്രതിഷേധിച്ച് എബിവിപി ഇന്നലെ സംസ്ഥാന വ്യാപകമായി നടത്തിയ വിദ്യാഭ്യാസ ബന്ദിനോടനുബന്ധിച്ചാണ് വളപട്ടണത്ത് എബിവിപി പ്രവര്‍ത്തകര്‍ക്ക് നേരെ പോലീസ് അതിക്രമം നടന്നത്. വളപട്ടണം സ്‌കൂളില്‍ സമരം നടത്തി മടങ്ങുകയായിരുന്ന എബിവിപി പ്രവര്‍ത്തകരെ വളപട്ടണം സ്‌കൂള്‍ പരിസരത്തുവെച്ച് എസ്‌ഐയുടെ നേതൃത്വത്തില്‍ പോലീസ് സംഘം തടഞ്ഞുവെക്കുകയും മര്‍ദ്ദിക്കുകയുമായിരുന്നു. കൂടാതെ കള്ളക്കേസില്‍ കുടുക്കി വൈകുന്നേരം വരെ പ്രവര്‍ത്തകരെ ലോക്കപ്പില്‍ തടഞ്ഞുവെക്കുകയും ചെയ്തു. എല്‍ഡിഎഫ് ഭരണത്തില്‍ പോലീസ് പാര്‍ട്ടി ഗുണ്ടകളെപ്പോലെ വിദ്യാര്‍ത്ഥികളോട് പെരുമാറുകയും മര്‍ദ്ദിക്കുകയും ചെയ്ത സംഭവത്തില്‍ എബിവിപി സംസ്ഥാന ജോയന്റ് സെക്രട്ടറി അനൂപ് മട്ടന്നൂര്‍ പ്രതിഷേധിച്ചു.
എബിവിപി സമരക്കാര്‍ക്കെതിരെ വളപട്ടണത്ത് പോലീസ് അതിക്രമം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.