കുട്ടനാട്: നെടുമുടി കൊട്ടാരം ശ്രീഭഗവതീക്ഷേത്രത്തില് സാമുഹ്യവിരുദ്ധരുടെ അക്രമം. പോലീസ് നിഷ്ക്രിയം. പ്രതിഷേധം ശക്തമായി. ക്ഷേത്രത്തിലെ പുനരുദ്ധാരണ പ്രവര്ത്തനങ്ങളുടെ ഭാഗമായി സ്ഥാപിച്ച പഞ്ചവര്ഗ്ഗത്തറയാണ് സാമൂഹ്യവിരുദ്ധര് അലങ്കോലമാക്കിയത്.
പൂജാകര്മ്മങ്ങളുടെ ഭാഗമായി സ്ഥാപിച്ച പഞ്ചവര്ഗ്ഗത്തറ അലങ്കോലമാക്കിയത് ബോധപൂര്വ്വമാണെന്നാണ് സംശയമുയര്ന്നിട്ടുള്ളത്. ക്ഷേത്രവിശ്വാസികള്ക്കു നേരെയുള്ള കടന്നുകയറ്റത്തിന്റെ ഭാഗമാണിത്.
ഇതേത്തുടര്ന്ന് ക്ഷേത്രഭരണ സമിതി നെടുമുടി പോലീസില് പരാതി നല്കി. സംഭവത്തില് ക്ഷേത്രഭരണ സമിതിയോഗം ശക്തമായി പ്രതിഷേധിച്ചു. പ്രസിഡന്റ് ഡോ. കെ. ഗോപകുമാര് അദ്ധ്യക്ഷത വഹിച്ചു. ഭാരവാഹികളായ വി.എന്. വേണുഗോപാലന് നായര്, കെ.എന്. ബാലകൃഷ്ണന് തുടങ്ങിയവര് സംസാരിച്ചു.
ക്ഷേത്രത്തിനു നേരെയുള്ള സാമൂഹ്യവിരുദ്ധ അക്രമത്തില് എന്എസ്എസ് പൊങ്ങ 1564 നമ്പര് കരയോഗം പ്രതിഷേധിച്ചു. പ്രസിഡന്റ് വി.എന്. രാമചന്ദ്രന് അദ്ധ്യക്ഷത വഹിച്ചു. സെക്രട്ടറി മനോജ് ജി. പണിക്കര് തുടങ്ങിയവര് സംസാരിച്ചു. ഏതാനും ദിവസം മുമ്പ് പൊങ്ങ എന്എസ്എസ് കരയോഗത്തിന്റെ നിയന്ത്രണത്തിലുളള തയ്യില് ക്ഷേത്രത്തിനു നേരെയും അക്രമം നടന്നിരുന്നു. ക്ഷേത്രത്തിന്റെ കാണിക്കവഞ്ചി കുത്തിത്തുറന്നയാളിന്റെ പേരുവിവരങ്ങള് സഹിതം പോലീസില് പരാതി നല്കിയിട്ടും ഇതുവരെ നടപടിയെടുക്കാന് തയ്യാറായില്ല.
നെടുമുടി പോലീസ് സ്റ്റേഷന് പരിധിയില് കഴിഞ്ഞ കുറേ നാളുകളായി സാമൂഹ്യ വിരുദ്ധ ശല്യം രൂക്ഷമാണ്.
