കുറ്റിയാട്ടൂര്: കേരള ശാസ്ത്ര സാങ്കേതിക പരിസ്ഥിതി കൗണ്സിലിന്റെ സഹകരണത്തോടെ വേശാല ഈസ്റ്റ് എല്പി സ്കൂള് പരിസ്ഥിതി ക്ലബ്ബിന്റെ ആഭിമുഖ്യത്തില് പരിസ്ഥിതി ദിനാഘോഷ പരിപാടികള് സംഘടിപ്പിച്ചു. ഒരാഴ്ചയായി നടന്നുവന്ന ആഘോഷപരിപാടികളുടെ സമാപനവും പരിസ്ഥിതി സെമിനാറും സി.സുനില് കുമാര് ഉദ്ഘാടനം ചെയ്തു. പരിസ്ഥിതി ദിനാചരണത്തോടനുബന്ധിച്ച് ചിത്രരചന, ക്വിസ്, പോസ്റ്റര് നിര്മ്മാണം, വൃക്ഷത്തൈ നടല്, മുത്തശ്ശിമാവിനെ ആദരിക്കല്, പരിസ്ഥിതി പതിപ്പ് പ്രകാശനം എന്നീ വൈവിധ്യമാര്ന്ന പ്രവര്ത്തനങ്ങള് നടന്നു. മത്സരവിജയികള്ക്ക് ഗ്രാമപഞ്ചായത്ത് മെമ്പര് കെ.വി.ഉഷ സമ്മാനങ്ങള് വിതരണം ചെയ്തു. പരിസ്ഥിതി പതിപ്പ് പ്രകാശനകര്മ്മവും മെമ്പര് നിര്വഹിച്ചു. ഹെഡ്മിസ്ട്രസ് എന്.കെ.ചാന്ദിനി അധ്യക്ഷത വഹിച്ചു. എസ്.പി.മധുസൂദനന്, എംപിടിഎ പ്രസിഡണ്ട് ആശാകുമാരി, പി.ബീന എന്നിവര് സംസാരിച്ചു. പരിസ്ഥിതി ക്ലബ്ബ് കണ്വീനര് എം.എം.വിജയകുമാരി സ്വാഗതവും സ്റ്റാഫ് പ്രതിനിധി എം.പ്രവിദ നന്ദിയും പറഞ്ഞു.
പരിസ്ഥിതി ദിനാചരണം നടത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.