കണ്ണൂര്‍: ബസില്‍ മുതിര്‍ന്ന പൗരന് സീറ്റ് നല്‍കാതെ അപമാനിച്ചതായി പരാതി. കൊളച്ചേരി സ്വദേശിയും സാംസ്‌കാരിക പ്രവര്‍ത്തകനും റിട്ട.ഹെഡ്മാസ്റ്ററുമായ ജി.വിശാഖനാണ് (69) ബസ്സില്‍ സീനിയര്‍ സിറ്റിസണ്‍ സീറ്റ് നല്‍കാതിരിക്കുകയും അപമാനിക്കുകയും ചെയ്തതായി കണ്ണൂര്‍ ടൗണ്‍ പോലീസില്‍ പരാതി നല്‍കിയത്. കണ്ണൂര്‍-മയ്യില്‍-ചാലോട് റൂട്ടില്‍ ഓടുന്ന കെഎല്‍ 59 എം 5419 നമ്പര്‍ ഐശ്വര്യ ബസ്സില്‍ കണ്ണൂര്‍ കോടതി സ്റ്റോപ്പില് നിന്നാണ് വിശാഖന് കയറിയത്. രണ്ട് കയ്യിലും ബാഗും സാധനങ്ങളുമായി കയറിയ വിശാഖന് സീനിയര്‍ സിറ്റിസണ്‍ സീറ്റ് ഒഴിഞ്ഞുതരാന്‍ ആവശ്യപ്പെട്ടെങ്കിലും ഇരുന്ന യാത്രക്കാരന്‍ തയ്യാറായില്ല. കണ്ടക്ടര്‍ അവരോട് ഒഴിഞ്ഞുകൊടുക്കാന്‍ പറഞ്ഞില്ലെന്ന് മാത്രമല്ല ചില യാത്രക്കാരും ചേര്‍ന്ന് വിശാഖനെ പരിഹസിക്കുകയും ചെയ്തു എന്ന് പരാതിയില്‍ പറയുന്നു. കരിങ്കല്‍കുഴിയിലിറങ്ങേണ്ട വിശാഖന് നാറാത്ത് സ്റ്റോപ്പില് എത്തുമ്പോഴാണ് മറ്റൊരു സീറ്റ് കിട്ടിയത്. മാനസികമായും ശാരീരികമായും താന്‍ അനുഭവിച്ച ബുദ്ധിമുട്ട് ഇനിമറ്റൊരാള്‍ക്ക് ഉണ്ടാകാതിരിക്കാന്‍ കര്‍ശന ശിക്ഷാനടപടി സ്വീകരിക്കണമന്ന് വിശാഖന് പരാതിയില്‍ പറഞ്ഞു. ഡിവൈഎസ്പി നേതൃത്വം നല്‍കുന്ന സീനിയര്‍ സിറ്റിസണ്‍ സഹായകേന്ദ്രത്തിലും ജില്ലാ കലക്ടര്‍ക്കും ആര്‍ടിഒവിനും കേരള മാനവീക സാംസ്‌കാരിക വേദിക്കും വിശാഖന് പരാതി നല്‍കിയിട്ടുണ്ട്.
ബസില്‍ മുതിര്‍ന്ന പൗരന് സീറ്റ് നല്‍കാതെ അപമാനിച്ചതായി പരാതി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.