ന്യൂദല്ഹി : ഭീകര സംഘടനയായ ഇസ്ലാമിക് സ്റ്റേറ്റ് ലഷ്കര് ഇ തോയ്ബയുമായി ചേര്ന്ന് ഭാരതത്തില് ഭീകരാക്രമണത്തിനു പദ്ധതിയിടുന്നതായി ഇന്റലിജെന്സ് റിപ്പോര്ട്ട്. ഭാരതത്തില് വേരുറപ്പിക്കാനുള്ള ഐഎസിന്റെ ശ്രമങ്ങള് പരാജയപ്പെട്ടതോടെയാണ് പാക്ക് ഭീകരസംഘടനയായ ലഷ്കറെ തോയ്ബയുമായി ചേര്ന്ന് പ്രവര്ത്തിക്കാന് തീരുമാനിച്ചത്.
ഭാരതത്തിന്റെ വിവിധ ഭാഗങ്ങളില് ശക്തമായ ഭീകരാക്രമണങ്ങള് നടത്തുന്നതിന് ലഷ്കറിന്റെ സഹായം നേടുന്നതിനാണ് ഐഎസ് ശ്രമമെന്ന് രഹസ്യാന്വേഷണ വിഭാഗം മുന്നറിയിപ്പു നല്കി.
ഐഎസാകും ഭീകരാക്രമണത്തിന് പദ്ധതി തയ്യാറാക്കുന്ന. ലഷ്കര് നടപ്പിലാക്കും. അതേസമയം ആളുകളെ തട്ടിക്കൊണ്ടുപോകാനും ഇവര് പദ്ധതി തയ്യാറാക്കുന്നതായും റിപ്പോര്ട്ടുണ്ട്. ഭാരതത്തില് നിന്നുള്ള യുവാക്കളെ ആകര്ഷിക്കാനും ഐഎസിന് ഇവിടെ വേരുറപ്പിക്കാനും ഇതിലൂടെ സാധിക്കുമെന്നാണ് പ്രതീക്ഷ.
ഭാരതീയരായ ഐഎസ് ഭീകരരുടെ വീഡിയോ പുറത്തുവന്ന് ദിവസങ്ങള്ക്കുശേഷമാണ് ലഷ്കറുമായി ചേരുനെന്ന വാര്ത്ത പുറത്തു വരുന്നത്.
രാജ്യത്ത് ഐഎസ് സ്വാധീനം വര്ധിക്കുന്നുണ്ടോയെന്ന കാര്യം സുരക്ഷ ഏജന്സികള് നിരീക്ഷിക്കുന്നുണ്ട്. ദിവസങ്ങള്ക്ക് മുന്പ് ഭാരതത്തില് നിന്നുള്ള ഭീകരരുടെ വിഡിയോ ഐഎസ് പുറത്തുവിട്ടിരുന്നു.
