ശ്രീകണ്ഠാപുരം: ശ്രീകണ്ഠാപുരം വിവേകാനന്ദ വിദ്യാപീഠത്തില്‍ പരിസ്ഥിതി ദിനാചരണത്തിന്റെ ഭാഗമായി വിവിധ പരിപാടികള്‍ സംഘടിപ്പിച്ചു. പരിപാടിയുടെ ഉദ്ഘാടനം പ്രശസ്ത പരിസ്ഥിതിപ്രവര്‍ത്തകനായ പി.എം.രാജേന്ദ്രന്‍ മാസ്റ്റര്‍ ഉദ്ഘാടനം ചെയ്തു. പ്രിന്‍സിപ്പാള്‍ പി.പി.നാരായണന്‍ മാസ്റ്റര്‍ സ്വാഗതവും ശശിധരന്‍ മാസ്റ്റര്‍, സതീശന്‍, മനോജ്, രാധാകൃഷ്ണന്‍, ശരണ്യ, വിജില എന്നിവര്‍ സംസാരിച്ചു. വിദ്യാര്‍ത്ഥികള്‍ പരിസ്ഥിതി പ്രതിജ്ഞയെടുക്കുകയും വിദ്യാലയമുറ്റത്ത് വൃക്ഷത്തൈകള്‍ നട്ടുപിടിപ്പിക്കുകയും ചെയ്തു. സൗമ്യ നന്ദി പറഞ്ഞു.
ശ്രീകണ്ഠാപുരത്ത് ഫയര്‍ സ്റ്റേഷന്‍ ആരംഭിക്കണം: ആര്‍എസ്എസ്
ശ്രീകണ്ഠാപുരം: തുടര്‍ച്ചയായി ദുരന്തങ്ങള്‍ സംഭവിക്കുന്ന ശ്രീകണ്ഠാപുരം മേഖലയില്‍ ഫയര്‍ഫോഴ്‌സ് സ്റ്റേഷന്‍ അനുവദിക്കണമെന്ന് ആര്‍എസ്എസ് ശ്രീകണ്ഠാപുരം താലൂക്ക് കാര്യകാരി ആവശ്യപ്പെട്ടു. പ്രദേശത്ത് അപകടമുണ്ടായാല്‍ ചികിത്സക്കായി 25 കിലോമീറ്റര്‍ സഞ്ചരിച്ച് തളിപ്പറമ്പിലെത്തണം. അടുത്തകാലത്തായി ഒമ്പത് കുട്ടികളാണ് പ്രദേശത്തെ പുഴയിലും മറ്റും മുങ്ങിമരിച്ചത്. പ്രാഥമിക ചികിത്സ നല്‍കാനായിരുന്നുവെങ്കില്‍ പലരുടെയും ജീവന്‍ രക്ഷിക്കാമായിരുന്നു. അപകടസ്ഥലങ്ങളില്‍ ഫയര്‍ഫോഴ്‌സ് എത്താന്‍ വൈകുന്നത് പലപ്പോഴും സംഘര്‍ഷത്തിനും കാരണമാകുന്നുണ്ടെന്നും കാര്യകാരി ചൂണ്ടിക്കാട്ടി. നിലവിലുള്ള പ്രാഥമികാരോഗ്യകേന്ദ്രം താലൂക്ക് ആശുപത്രിയായി ഉയര്‍ത്തണമെന്നും കാര്യകാരി ആവശ്യപ്പെട്ടു. കെ.രഞ്ചിത്ത്, വി.കെ.രാജേഷ്, രാജേഷ് വയക്കര, സി.വി.ചന്ദ്രന്‍ തുടങ്ങിയവര്‍ സംസാരിച്ചു.
