പാനൂര്: ലോക പരിസ്ഥിതിദിനത്തില് ശുചീകരണത്തിനായി ഒരു ദിവസം മാറ്റിവച്ച് അന്യസംസ്ഥാന തൊഴിലാളികളും. തൃപ്രങ്ങോട്ടൂര് പഞ്ചായത്തിന്റെ നേതൃത്വത്തില് സംഘടിപ്പിച്ച ശുചിത്വ പരിപാടിയിലാണ് മാതൃകാപരമായ പ്രവര്ത്തിയുമായി മുപ്പത്തിയഞ്ച് തൊഴിലാളികള് സേവനതല്പരരായി രംഗത്തിറങ്ങിയത്. രണ്ടുപതിറ്റാണ്ടിലേറെയായി കല്ലിക്കണ്ടിയിലും പരിസരങ്ങളിലും താമസിക്കുന്ന സ്ത്രീകളുള്പ്പെടെയുള്ളവരാണ് ശുചീകരണ യജ്ഞത്തില് പങ്കെടുത്തത്.
ശുചിത്വ ഹര്ത്താലാചരിച്ചാണ് എല്ലാവിഭാഗം ജനങ്ങളുടെയും പങ്കാളിത്തത്തോടെ തൃപ്രങ്ങോട്ടൂര് പഞ്ചായത്ത് പരിസ്ഥിതി ദിനാചരണത്തിന്റെ ഭാഗമായി പഞ്ചായത്തിലുടനീളം ശുചിത്വ യജ്ഞം സംഘടിപ്പിച്ചത് ‘
പ്രസിഡന്റ് കാട്ടൂര് മുഹമ്മദ് ഉദ്ഘാടനം ചെയ്തു. ആരോഗ്യ സ്റ്റാന്റിംഗ് കമ്മിറ്റി ചെയര്മാന് സമീര് പറമ്പത്ത്, വൈസ് പ്രസിഡണ്ട് നിഷ നെല്ലാട്ട്, ഹെല്ത്ത് ഇന്സ്പെക്ട്ര് ബീന കുര്യന്, പഞ്ചായത്ത് സെക്രട്ടറി സജിത്കുമാര്, പഞ്ചായത്ത് അംഗങ്ങളായ എ.പി.ഇസ്മയില്, പുല്ലാട്ടുമ്മല് അഹമ്മദ് ഹാജി, സി.സത്യന്, മെഡിക്കല് ഓഫീസര് ഡോ.സീനത്ത് കുഞ്ഞഹമ്മദ്, ഖത്തര് കെഎംസിസി കണ്ണൂര് ജില്ലാ പ്രസിഡന്റ് മുഹമ്മദ് പൂന്തോട്ടം തുടങ്ങിയവര് നേതൃത്വം നല്കി.
വ്യാപാരികള്, കുടുംബശ്രീ പ്രവര്ത്തകര്, ആശാവര്ക്കര്മാര്, വിദ്യാര്ത്ഥികള്, ജനപ്രതിനിധികള്, രാഷ്ട്രിയ, സാമൂഹിക പ്രവര്ത്തകര് തുടങ്ങിയവര് പങ്കാളികളായി.
സംഘശക്തിയാല് ഒരു ദിവസം കൊണ്ടുതന്നെ പഞ്ചായത്തിന്റെ വിവിധഭാഗങ്ങള് ശുചീകരിക്കപ്പെട്ടു. ആയിരത്തോളം പേര് വിവിധ ഭാഗങ്ങളില് നടന്ന ശുചീകരണ യജ്ഞത്തില് പങ്കാളികളായി.
