തിരുവനന്തപുരം: അഖിലേന്ത്യാ നാടാര് അസോസിയേഷന് സിറ്റി കൗണ്സിലിന്റെ ആഭിമുഖ്യത്തില് കുടുംബസംഗമവും മികച്ച മാര്ക്കു നേടിയ വിദ്യാര്ത്ഥികള്ക്കുള്ള അവാര്ഡ് ദാനവും പഠനോപകരണ വിതരണവും കോട്ടയ്ക്കകം വടക്കേനട സുമംഗലി ആഡിറ്റോറിയത്തില് നടന്നു.
ചെങ്കല് ശിവശക്തിക്ഷേത്രം മഠാധിപതി മഹേശ്വരാനന്ദ സരസ്വതി ദീപപ്രോജ്വലനം നടത്തി ഉദ്ഘാടനം നിര്വ്വഹിച്ചു. എഎന്എ ചെയര്മാന് ഡോ.വി. രാജീവലോചനന് അദ്ധ്യക്ഷത വഹിച്ചു. ജനറല് സെക്രട്ടറി നീറമണ്കര വാസുദേവന് മുഖ്യപ്രഭാഷണം നടത്തി. ഒബിസി മോര്ച്ചാ സംസ്ഥാന പ്രസിഡന്റ് പുഞ്ചക്കരി സുരേന്ദ്രന് അവാര്ഡ് ദാനം നിര്വഹിച്ചു. ഫോര്ട്ട് വാര്ഡ് കൗണ്സിലര് ആര്.സുരേഷ്, ഡിസിസി ജനറല് സെക്രട്ടറി എസ്.കൃഷ്ണന്പോറ്റി, എഎന്എ ട്രഷറര് കെ.കൃഷ്ണന്. എഎന്എ ദക്ഷിണ ജില്ലാ സെക്രട്ടറി പുഷ്കരന്, ആര്.സെല്വരാജ് നാടാര്, സുബ്രഹ്മണ്യന് നാടാര്, കനകരാജ് നാടാര് എന്നിവര് സംസാരിച്ചു. സിറ്റി കൗണ്സില് സെക്രട്ടറി എം.രാജമഹേശ്വരന് നാടാര് സ്വാഗതവും പി. പൊന്നമ്പലം നന്ദിയും പറഞ്ഞു.
