തിരുവനന്തപുരം: സിബിഎസ്ഇ പത്താം ക്ലാസ് പരീക്ഷയില് ഇത്തവണ 96. 21 ശതമാനം വിജയം. തിരുവനന്തപുരം റീജിയണിലാണ് ഏറ്റവും കൂടുതല് കുട്ടികള് വിജയിച്ചത്. തിരുവനന്തപുരം റീജിയണ് മികച്ച വിജയമായ 99.87 ശതമാനം വിജയം നേടി തുടര്ച്ചയായ മൂന്നാം തവണയും തിരുവനന്തപുരം ഒന്നാം സ്ഥാനത്തെത്തി. നൂറുമേനി കൊയ്ത സ്കൂളുകളിലും തിരുവനന്തപുരമാണ് മുന്നില്.
പട്ടം കേന്ദ്രീയ വിദ്യാലയം 100 ശതമാനം വിജയം നേടി. 370 84 കുട്ടികള്ക്ക് മുഴുവന് വിഷയങ്ങള്ക്കും എ വണ് ലഭിച്ചു.കൊടുങ്ങാനൂര് ഭാരതീയ വിദ്യാഭവനില് പരീക്ഷയെഴുതിയ 150 പേരും വിജയിച്ചു. 23 കുട്ടികള്ക്ക് മുഴുവന് വിഷയങ്ങള്ക്കും എ വണ് ലഭിച്ചു. രജത ജൂബിലി ആഘോഷിക്കുന്ന വട്ടിയൂര്കാവ് സരസ്വതി വിദ്യാലയത്തില് 334 കുട്ടികളാണ് പത്താംക്ലാസ് പരീക്ഷയെഴുതിയത്. 100 ശതമാനം വിജയം നേടിയ സ്കൂളില് 48 പേര്ക്ക് മുഴുവന് എ വണ് ലഭിച്ചു. 110 കുട്ടികള്ക്ക് 90 ശതമാനം മാര്ക്കുണ്ട്. നെയ്യാറ്റിന്കര ഡോ. ജി ആര്. പബഌക്സ്കൂളിന് ഇത്തവണയും നൂറുശതമാനം വിജയം. പരീക്ഷ എഴുതിയ 148 വിദ്യാര്ത്ഥികളില് 59 പേര് എവണ് ഗ്രേഡ് കരസ്ഥമാക്കി.നെടുമങ്ങാട് കൈരളി വിദ്യാഭവനും നൂറുമേനി വിജയം കരസ്ഥമാക്കി. പരീക്ഷ എഴുതിയ 122 കുട്ടികളില് 21 പേര് എല്ലാ വിഷയത്തിനും എ വണ് ഗ്രേഡ് കരസ്ഥമാക്കി. പാറശാല ഭാരതീയ വിദ്യാപീഠം സ്കൂളില്നിന്ന് പരീക്ഷ എഴുതിയ മുഴുവന് പേരും വിജയച്ചു. പരീക്ഷ എഴുതിയ 62 കുട്ടികളില് 12 കുട്ടികള് എല്ലാ വിഷയത്തിനും എ വണ് ഗ്രേഡ് കരസ്ഥമാക്കി. 23 പേര് 90ശതമാനത്തിനു മുകളിലും 17 പേര് 80 ശതമാനത്തിനുമുകളിലും മാര്ക്ക് നേടി. ആക്കുളം കേന്ദ്രീയ വിദ്യാലയത്തിനിന്ന് പരീക്ഷ എഴുതിയ 95 പേരും വിജയിച്ചു. കുന്നത്തുകാല് ശ്രീ ചിത്തിരതിരുനാള് റസിഡന്ഷ്യല് സെന്ട്രല് സ്്കൂളിനിന്ന് പരീക്ഷ എഴുതിയ 94പേരും വിജയിച്ചു. 35 പേര്ക്ക് എല്ലാ വിഷയത്തിനും എ വണ് ഗ്രേഡ് നേടി. ഊരൂട്ടമ്പലം സരസ്വതി വിദ്യാലത്തില്നിന്ന് എല്ലാ വിദ്യാര്ത്ഥികളും വിജയിച്ചു. 12 വിദ്യാര്ത്ഥികള് എല്ലാ വിഷയത്തിനും എ വണ് കരസ്ഥമാക്കി. പ്ലസ്ടു പരീക്ഷയിലും നൂറുശതമാനം വിജയം ഈ സ്്കൂളിനു ലഭിച്ചിരുന്നു. കഴക്കൂട്ടം ജ്യോതിസ് സെന്ട്രല് സ്്കൂളും പരീക്ഷ എഴുതിയ 104 കുട്ടികളും വിജയിച്ചു. 57 പേര്ക്ക് എ വണ് ഗ്രേഡ് ലഭിച്ചു. നൂറുശതമാനം വിജയം നേടിയ കഴക്കൂട്ടം അലന്ഫെല്ഡുമാന് സ്കൂളില് 23 പേര്ക്ക് എല്ലാവിഷയങ്ങള്ക്കും എ വണ് ഗ്രേഡ് ലഭിച്ചു. 95ശതമാനം പേര്ക്ക് ഡിസ്റ്റിംഗ്ഷനും ലഭിച്ചു. പള്ളിപ്പുറം മോഡല് പബഌക് സ്കൂളില് 72 പേര്ക്ക് ഡിസ്റ്റിംഗ്ഷനും 12 പേര്ക്ക് എ വണ് ഗ്രേഡും ലഭിച്ചു. ചാവര്കോട് മദര് ഇന്ത്യ സീനിയര് സെക്കന്ഡറി സ്കൂളില് നൂറുമേനി വിജയം. 7 കുട്ടികള്ക്ക് മുഴുവന് എ വണ് ലഭിച്ചു.
