എന്ഡിഎ പേരാമ്പ്രപഞ്ചായത്ത് കണ്വെന്ഷന് ഉദ്ഘാടനംചെയ്യാനെത്തിയരാഹുല് ഈശ്വര് പേരാമ്പ്ര ചേര്മല കുന്നിലെ സാംബവ കോളനി സന്ദര്ശിച്ചപ്പോള്. സ്ഥാനാര്ത്ഥി സുകുമാരന് നായര് സമീപം
പേരാമ്പ്ര: കേന്ദ്രത്തിലുണ്ടായ ഭരണമാറ്റം രാജ്യത്തിന് വികസനവും പുരോഗതിയും നല്കിയതുപോലെ കേരള വികസനത്തിന് എന്ഡിഎ അധികാരത്തില് വരണമെന്ന് രാഹുല് ഈശ്വര് അഭിപ്രായപ്പെട്ടു. പേരാമ്പ്ര പഞ്ചായത്ത് എന്ഡിഎ കണ്വെന്ഷന് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഭാരത ജനതയ്ക്ക് ഒരു മാറ്റം വേണമെന്ന് ചിന്തിച്ചതിനെതുടര്ന്നാണ് കോണ്ഗ്രസ്സ് ഭരണം അവസാനിപ്പിച്ച് നരേന്ദ്രമോദിയെ അധികാരത്തിലെത്തിച്ചത്. ഇതേ പോലെ ഭരണമാറ്റം കേരളത്തിലും അനിവാര്യമാണ്. അതിനായി വോട്ടവകാശം രേഖപ്പെടുത്തി എന്ഡിഎ സ്ഥാനാര്ത്ഥികളെ വിജയിപ്പിക്കണമെന്നും അദ്ദേഹം കൂട്ടിച്ചേര്ത്തു. യോഗത്തില് തറമ്മല് രാഗേഷ് അദ്ധ്യക്ഷത വഹിച്ചു. സ്ഥാനാര്ത്ഥി കെ.സുകുമാരന് നായര്, എം. മോഹനന് മാസ്റ്റര്, ഗ്രാമപഞ്ചായത്ത് അംഗം ബിജുകൃഷ്ണന് എന്നിവര് സംസാരിച്ചു. പേരാമ്പ്രയില് എത്തിയ രാഹുല് ഈശ്വര് ചേര്മല കുന്നിലെ സാംബവ കോളനി സന്ദര്ശിച്ചു. കോളനി വാസികളുടെ കഷ്ടപ്പാടുകള് കണ്ടറിഞ്ഞ രാഹുല് ഈശ്വര് പ്രശ്നങ്ങള് പരിഹരിക്കാന് ആവശ്യമായ ഇടപെടലുകള് നടത്തുമെന്നും വിഷയം കേന്ദ്രസര്ക്കാറിന്റെ ശ്രദ്ധയില്പ്പെടുത്തുമെന്നും അറിയിച്ചു. സ്ഥാനാര്ത്ഥി സുകുമാരന് നായര്, പി. ഹരിദാസന്, ബിജുകൃഷ്ണന്, ടി. രാഗേഷ് തുടങ്ങിയവര് അദ്ദേഹത്തെ അനുഗമിച്ചു.
