കാലിക്കറ്റ് പ്രസ്സ് ക്ലബ് സംഘടിപ്പിച്ച മുഖാമുഖത്തില് കോഴിക്കോട് നോര്ത്ത് മണ്ഡലം എന്ഡിഎ സ്ഥാനാര്ത്ഥി കെ.പി. ശ്രീശന് സംസാരിക്കുന്നു. സിപിഎം സ്ഥാനാര്ത്ഥി എ.പ്രദീപ്കുമാര്, കോണ്ഗ്രസ് സ്ഥാനാര്ത്ഥി അഡ്വ.പി.എം. സുരേഷ്ബാബു എന്നിവര് സമീപം
കോഴിക്കോട്: കോഴിക്കോടിന്റെ സമഗ്രവികസനമാണ് ബിജെപി ലക്ഷ്യം വെക്കുന്നതെന്നും ഇരുമുന്നണികളും അതില് പരാജയപ്പെട്ടെന്ന് എന്ഡിഎ കോഴിക്കോട് നോര്ത്ത് മണ്ഡലം സ്ഥാനാര്ത്ഥിയും ബിജെപി സംസ്ഥാന വൈസ്പ്രസിഡന്റുമായ കെ.പി. ശ്രീശന് പറഞ്ഞു. കാലിക്കറ്റ് പ്രസ്ക്ലബ് സഘടിപ്പിച്ച കേരളസഭ 2016ല് സംസാരിക്കുകയായിരുന്നു അദ്ദേഹം. സുസ്ഥിരവും പരിസ്ഥിതി രംഞ്ജകവും സമഗ്രവും സമബന്ധിതവുമായ വികസനമാണ് നഗരത്തിന് ആവശ്യം. കുടിവെള്ളം,ഗതാഗതകുരുക്ക്, പാര്പ്പിടപ്രശ്നം, മാലിന്യനിര്മ്മാര്ജനജനം തുടങ്ങിയ അടിസ്ഥാന പ്രശ്നങ്ങള് പരിഹരിക്കുന്നതില് മുന്ഗണന നല്കും. കേന്ദ്രസര്ക്കാര് കഴിഞ്ഞ രണ്ട് വര്ഷമായി നടപ്പിലാക്കിക്കൊണ്ടിരിക്കുന്ന വികസന സമീപനം നഗരത്തിലും കേരളത്തിലും ആവിഷ്ക്കരിക്കാന് കഴിയണം. ഇരുമുന്നണികളുടെയും വികസന രംഗത്തെ അശാസ്ത്രീയ സമീപനം കാരണം നഗരം ദുരിതത്തിലായിരിക്കുകയാണ്. നേട്ടങ്ങള് തന്റെ പട്ടികയില്ചേര്ക്കാന് അവകാശവാദമുന്നയിക്കുന്നവര് കോട്ടങ്ങളെയും ഏറ്റെടുക്കണം മെഡിക്കല്കോളേജ് രോഗികളുടെ നരകമായി മാറിയിരിക്കുകയാണ് മെഡിക്കല്കോളേജ് ആശുപത്രിയുടെ മാലിന്യം തള്ളുന്നത് കാരണം മായനാട് നിവാസികള് ദുരിതത്തിലാണ്. 44 കിണറുകളും നാല് തണ്ണീര്തടങ്ങളും ഇവിടെ ഉപയോഗശൂന്യമായി. സ്ഥലംവിട്ടുപോകണമെങ്കില് പോലും ഭൂമി ആരും വാങ്ങിക്കാത്ത സ്ഥിതിയാണിവിടെയുള്ളത്. അദ്ദേഹം പറഞ്ഞു. പത്ത് വര്ഷം കൊണ്ട് 900 കോടി രൂപയുടെ വികസന പദ്ധതികളാണ് നടപ്പിലാക്കിയതെന്ന് എംഎല്എ എ.പ്രദീപ്കുമാര് പറഞ്ഞു. വികസനത്തിന്റെ തുടര്ച്ചയ്ക്കാണ് വോട്ടു ചോദിക്കുന്നത്. അദ്ദേഹം പറഞ്ഞു. വികസനത്തെക്കുറിച്ചുള്ള പ്രത്യയശാസ്ത്ര സമീപനമാണ് ചര്ച്ചചെയ്യപ്പെടേണ്ടതെന്ന് യുഡിഎഫ് സ്ഥാനാര്ത്ഥി അഡ്വ. പി.എം. സുരേഷ്ബാബു പറഞ്ഞു. ഏതെങ്കിലും സ്വകാര്യ മുതലാളിമാരുടെ ധനം ഉപയോഗിച്ചുള്ള വികസനം അല്ല സര്വ്വാശ്ലേഷിയായ വികസനമാണ് ഉണ്ടാകേണ്ടത്. അദ്ദേഹം പറഞ്ഞു.
പ്രസ്ക്ലബ് വൈസ്പ്രസിഡന്റ് ഇ.പി. മുഹമ്മദ്, വിപുല്നാഥ് എന്നിവര് പങ്കെടുത്തു.
