തൃപ്പൂണിത്തുറ: നിയോജക മണ്ഡലത്തിലെ ബിജെപി സ്ഥാനാര്ഥി പ്രൊഫ. തുറവൂര് വിശ്വംഭരന്റെ തെരഞ്ഞെടുപ്പ് പ്രചാരണത്തിന്റെ ഭാഗമായി നമോ വികസന രഥം പ്രയാണം തുടങ്ങി. തൃപ്പൂണിത്തുറ മണ്ഡലത്തിലെ പ്രധാന കവലകള് തോറും മോദി ഭരണ കൂടത്തിന്റെ നേട്ടങ്ങള് വിശദീകരിച്ചും നിയമസഭ തെരഞ്ഞെടുപ്പില് ബിജെപിയുടെ പ്രസക്തി ഉന്നയിച്ചുകൊണ്ടുമാണ് നമോ വികസന രഥത്തിന്റെ പ്രയാണം.
ഇടക്കൊച്ചിയില് രഥ പ്രയാണം ബി.ജെ.പി. സംസ്ഥാന സമിതി അംഗം വി.കെ.സുദേവന് ഉദ്ഘാടനം ചെയ്തു. കര്ഷക മോര്ച്ച ജില്ലാ പ്രസിഡന്റ് പി.ബി. സുജിത്ത്, കെ.കെ. മേഘനാഥന്, കെ.ഡി. ദയാപരന്, രാജേഷ് എന്നിവരും പ്രയാണത്തില് പങ്കെടുത്തു. ഏഴു പോയിന്റുകളാണ് ഇന്നലെ രഥം പിന്നിട്ടത്. ഇടക്കൊച്ചിക്കു പുറമെ പെരുമ്പടപ്പ്, പള്ളുരുത്തി വെളി, മരുന്നുകട ജംഗ്ഷന്, കടേഭാഗം എസ്.എന്. ജംഗ്ഷന്, കച്ചേരിപ്പടി, തങ്ങള് നഗര് എന്നിവിടങ്ങളില് രഥം എത്തി.
ഇന്ന് പുതിയകാവില് നിന്ന് തൃപ്പൂണിത്തുറയിലേക്കാണ് വികസന രഥം നീങ്ങുക. ബിജെപി സംസ്ഥാന സമിതി അംഗം അഡ്വ: കെ.വി. സാബു ഉദ്ഘാടനം ചെയ്യും.
സ്ഥാനാര്ഥിയുടെ വാഹന പ്രചാരണത്തിന് ഇന്ന് തുടക്കമാകും. പുതിയകാവില് വൈകുന്നേരം മൂന്നിന് ബിഡിജെഎസ് ജില്ലാ പ്രസിഡന്റ് ജയപ്രകാശ് ഉദ്ഘാടനം ചെയ്യും. പ്രചാരണ പരിപാടികള്ക്ക് വന് ജനപ്രതികരണമാണ് ലഭിക്കുന്നതെന്ന് തെരഞ്ഞെടുപ്പ് മാനേജ്മെന്റ് കമ്മിറ്റി പറഞ്ഞു. എന്ഡിഎ പരിപാടികളിലെ വന് ജനപങ്കാളിത്തം എല്ഡിഎഫ്, യുഡിഎഫ് മുന്നണികളെ പരിഭ്രാന്തിയിലാക്കി യിട്ടുണ്ടെന്നും മാനേജ്മെന്റ് കമ്മിറ്റി പറഞ്ഞു.
വിശ്വംഭരന് വീടുകളിലെത്തി വോട്ടര്മാരെ നേരില്ക്കണ്ടു. ഇതോടെ പ്രചാരണം മൂന്നാം ഘട്ടത്തിലേക്ക് കടന്നു. നെട്ടൂരില് രണ്ടാമതും പ്രൊഫ. തുറവൂര് വിശ്വംഭരന്റെ പ്രചാരണാര്ഥം റോഡ് ഷോ നടത്തി. മാടവനയില് നിന്ന് വാദ്യമേളങ്ങളോടെ ആരംഭിച്ച റോഡ് ഷോ അറയ്ക്കല് ക്ഷേത്ര പരിസരത്ത് സമാപിച്ചു. പ്രൊഫ. തുറവൂര് വിശ്വംഭരന് പ്രസംഗിച്ചു.
