പരവൂര് പുറ്റിങ്ങല് ക്ഷേത്രത്തില് ഉണ്ടായ വെടിക്കെട്ട് ദുരന്തത്തില് മരിച്ചവര്ക്ക് അനുശോചനം രേഖപ്പെടുത്തിക്കൊണ്ടും പരിക്കേറ്റവര്ക്ക് അടിയന്തര ചികിത്സാ സഹായം എത്തിച്ചുകൊണ്ടും പ്രോട്ടോക്കോള് പരിഗണനയൊന്നും നോക്കാതെ ദല്ഹിയില്നിന്നും മണിക്കൂറുകള്ക്കകം പറന്നെത്തി ദുരിതാശ്വാസ പ്രവര്ത്തനങ്ങള്ക്ക് നേതൃത്വം കൊടുത്ത വ്യക്തിയാണ് നമ്മുടെ പ്രധാനമന്ത്രി നരേന്ദ്ര മോദി. മോദിയുടെ ഉടനെയുള്ള വരവിനെ കുറ്റപ്പെടുത്തിക്കൊണ്ട് ഡിജിപി സെന്കുമാറിന്റെ പ്രസ്താവനയാണ് ഈ കുറിപ്പ് എഴുതാന് പ്രേരിപ്പിച്ചത്.
ഡിജിപി ഒരു സര്ക്കാര് ജീവനക്കാരനാണ്. ഭാരതത്തില് പ്രോട്ടോകോളില് മൂന്നാം സ്ഥാനം അലങ്കരിക്കുന്ന വ്യക്തിയായ പ്രധാനമന്ത്രിക്കെതിരെ എംഎല്എക്കും ജില്ലാ പഞ്ചായത്ത് പ്രസിഡന്റിനും താഴെമാത്രം പ്രോട്ടോകോള് ഉള്ള ഒരു സര്ക്കാര് ജീവനക്കാരനായ ഡിജിപി പരസ്യപ്രസ്താവന നടത്തിയത് അച്ചടക്ക ലംഘനമാണ്.
ഒരു സര്ക്കാര് ജീവനക്കാരന് അനുശാസിക്കുന്ന പെരുമാറ്റച്ചട്ടത്തിന് വിരുദ്ധവുമാണ്. നിലവിലുള്ള നിയമം അനുസരിച്ച് ഒരു വകുപ്പ് അദ്ധ്യക്ഷന് പത്രസമ്മേളനമോ പത്രപ്രസ്താവനയോ നടത്തുന്നതിനുമുന്പ് സര്ക്കാരിന്റെ അനുമതി വാങ്ങിയിരിക്കണമെന്നത് നിര്ബന്ധമാണ്. ഫെഡറല് സംവിധാനം നിലവിലുള്ള നമ്മുടെ രാജ്യത്ത് ഒരു പ്രധാന മന്ത്രി എത്രയോ ഉന്നതനാണ്. അപ്രകാരമുള്ള പ്രധാനമന്ത്രിയെ സിവില് നിയമങ്ങളുടെ ചട്ടക്കൂട്ടിനുള്ളില് ജീവിക്കുന്ന ഒരു സര്ക്കാര് ഉദേ്യാഗസ്ഥന് വിമര്ശിക്കുന്നതും ഉപദേശിക്കുന്നതും ശരിയല്ല.
ചട്ടങ്ങള്ക്ക് വിരുദ്ധമായി പ്രധാനമന്ത്രി നരേന്ദ്ര മോദിയെ വിമര്ശിച്ചുകൊണ്ട് പ്രസ്താവന നടത്തിയ ഡിജിപി സെന്കുമാറിനെതിരെ നടപടി സ്വീകരിക്കാനുള്ള ആര്ജ്ജവം സംസ്ഥാന സര്ക്കാര് കാണിക്കേണ്ടതാണ്.
അഡ്വ: പി.കെ. ശങ്കരന് കുട്ടി
മുന് എംപ്ലോ: ഡെ. ഡയറക്ടര്
സാകല്യ,കഴക്കൂട്ടം,
തിരുവനന്തപുരം
