പിറവം: സാധാരണക്കാര്ക്കായി നിരവധി ക്ഷേമപ്രവര്ത്തനങ്ങള് നടപ്പാക്കി മോദി സര്ക്കാര് സാധാരണക്കാരന്റെ സര്ക്കാരായി മാറിയിരിക്കുകയാണെന്ന് റിച്ചാര്ഡ് ഹെ എംപി പറഞ്ഞു. എന്ഡിഎ പിറവം നിയോജകമണ്ഡലം തെരഞ്ഞെടുപ്പ് കണ്വെന്ഷന് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പാവപ്പെട്ടവര്ക്ക് സ്വയംതൊഴില് നേടുന്നതിനായി ഈടില്ലാതെ വായ്പ ലഭിക്കുന്നതിനായി നടപ്പാക്കിയ മുദ്രയോജന പദ്ധതി ഉദാഹരണമാണെന്ന് അദ്ദേഹം ചൂണ്ടിക്കാട്ടി. പിറവം കുട്ടികളുടെ പാര്ക്കില് നടന്ന പൊതുയോഗത്തില് ബിജെപി പിറവം നിയോജകമണ്ഡലം പ്രസിഡന്റ് വി.എസ്.സത്യന് അദ്ധ്യക്ഷത വഹിച്ചു. ബിജെപി ജില്ലാ ജനറല് സെക്രട്ടറി എം.എന്.മധു, സ്ഥാനാര്ത്ഥി സി.പി.സത്യന്, സംസ്ഥാന സമിതിയംഗം പി.പി.സജീവ്, പിറവം നിയോജകമണ്ഡലം കണ്വീനര് എം.എസ്. ശ്രീകുമാര്, ബിജെപി കൗണ്സിലര്മാരായ ഉണ്ണിവല്ലയില്, സിജി സുകുമാരന്, യുവമോര്ച്ച ജില്ലാ സെക്രട്ടറി ടി.പി. പ്രശാന്ത്, ബിഡിജെഎസ് ജില്ലാ പ്രസിഡന്റ് എ.ബി. ജയപ്രകാശ്, കെ.ജി. പുരുഷോത്തമന്, ഷാജി കണ്ണന്കോട്ടില്, മഹിളാമോര്ച്ച നേതാക്കളായ നിര്മ്മല വിജയന്, ഷീജ പരമേശ്വരന് എന്നിവര് സംസാരിച്ചു. നേരത്തെ പിറവം നഗരത്തില് നൂറുകണക്കിന് പ്രവര്ത്തകര് പ്രകടനമായാണ് കണ്വെന്ഷനില് എത്തിച്ചേര്ന്നത്.
മാദി സര്ക്കാര് സാധാരണക്കാരന്റെ സര്ക്കാര്: റിച്ചാര്ഡ് ഹെ എംപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.