കോട്ടയം: കുമാരനല്ലൂര് ഊരാണ്മ ദേവസ്വംവക ചെങ്ങളം ക്ഷേത്രഭൂമിയിലെ ആല്മരത്തിന്റെ കൊമ്പുകള് അനധികൃതമായി മുറിച്ചുമാറ്റിയതില് പ്രതിഷേധം. ശ്രീകോവിലിനോട് ചേര്ന്ന് നില്ക്കുന്ന ആല്മരത്തിന്റെ ചുവട്ടിലാണ് ഭക്തജനങ്ങള് വിളക്കു കത്തിച്ച് പ്രാര്ത്ഥിക്കുന്നത്. ഈ ആല്മരത്തിന്റെ കൊമ്പുകള് സമീപത്തെ അയല്വാസിയാണ് അനുവാദം കൂടാതെ അറുത്തുമാറ്റിയത്. സംഭവത്തില് ഹിന്ദു ഐക്യവേദി തിരുവാര്പ്പ് പഞ്ചായത്തു സമിതി പ്രതിഷേധിച്ചു. അചാരാനുഷ്ഠാനങ്ങളുടെ ഭാഗമായി ഭക്തജനങ്ങള് കാത്തുസൂക്ഷിക്കുന്ന ആല്മരത്തിന്റെ കൊമ്പുകള് മുറിച്ചുമാറ്റിയ നടപടി ഹൈന്ദവ ആചാരാനുഷ്ഠാമങ്ങള്ക്കുമേലുള്ള കടന്നുകയറ്റമാണെന്ന് സമിതി കുറ്റപ്പെടുത്തി. കുറ്റക്കാര്ക്കെതിരെ സത്വര നിയമനടപടികള് സ്വീകരിക്കാന് അധികൃതര് തയ്യാറായില്ലെങ്കില് ശക്തമായ സമരപരിപാടുകളുമായി മുന്നോട്ടു പോകുമെന്നും സമിതി മുന്നറിയിപ്പ് നല്കി. ക്ഷേത്ര ഉപദേശക സമിതി പോലീസില് നല്കിയിട്ടുള്ള പരാതിയില് സത്വര പടപടി സ്വീകരിക്കണമെന്നും യോഗം ആവശ്യപ്പെട്ടു.
പഞ്ചായത്ത് കമ്മറ്റി പ്രസിഡന്റ് സലിമോന്റെ അദ്ധ്യക്ഷതയില് കൂടിയ യോഗത്തില് ജനറല് സെക്രട്ടറി സി.——എസ്. അനീഷ്, സെക്രട്ടറി മോഹനന്, വൈസ് പ്രസിഡന്റ് മനു ശശി എന്നിവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: