ലഡാക്ക്: അതിര്ത്തി ലംഘിക്കാനുള്ള ചൈനീസ് സൈന്യത്തിന്റെ ശ്രമം ഇന്തോ ടിബറ്റന് പോലീസ് തടഞ്ഞു. അതിര്ത്തി പ്രദേശമായ ലഡാക്കിലാണ് ചൈനയുടെ സൈന്യം കടന്നു കയറിയത്. മാര്ച്ച് എട്ടിനായിരുന്നു ചൈനയുടെ കടന്നു കയറ്റം.
പീപ്പിള്സ് ലിബറേഷന് ആര്മിയുടെ കേണല് റാങ്കിലുള്ള സൈനികന്റെ നേതൃത്വത്തിലായിരുന്നു അതിര്ത്തി ലംഘനം. അതിര്ത്തി ലംഘന വിവരം അറിഞ്ഞ ഉടന് ഇന്തോ ടിബറ്റന് പോലീസ് പട്രോളിങ് നടത്തി ഇവരെ കണ്ടെത്തുകയും തിരിച്ചയയ്ക്കുകയും ചെയ്തു. പാന്ഗോങ് തടാകത്തിന് സമീപമുള്ള ഭാരതത്തിന്റെ ആറ് കിലോമീറ്ററോളം ഭാഗമാണ് ചൈനീസ് സൈന്യം അതിക്രമിച്ചു കയറിയത്. പതിനൊന്ന് സൈനികരാണ് അതിര്ത്തി ലംഘിച്ച് കടന്നതെന്നാണ് വിവരങ്ങള്.
ലഡാക്കില് സ്ഥിതിചെയ്യുന്ന പാന്ഗോങ് തടാകത്തിന്റെ 45 കിലോമീറ്ററോളം ഭാരത അതിര്ത്തിക്കുള്ളിലും 90 കിലോമീറ്ററോളം ചൈനീസ് ഭാഗത്തുമാണ്. നാലു വാഹനങ്ങളിലായാണ് സൈന്യം അതിര്ത്തി കടന്നത്. സംഭവത്തില് ചൈനയുടെ ഭാഗത്തുനിന്നും ഔദ്യോഗിക വിശദീകരണമൊന്നും ഉണ്ടായിട്ടില്ല.
ഇതാദ്യമായല്ല ലഡാക്ക് പ്രദേശത്ത് ചൈനീസ് സൈന്യം കടന്നു കയറുന്നത്. 2013 മേയില് ദെപ്സാങില് കടന്നു കയറിയ ചൈനീസ് സൈന്യം ക്യാമ്പ് സ്ഥാപിച്ചിരുന്നു. തുടര്ന്ന് മൂന്നാഴ്ചത്തെ സംഘര്ഷ സാഹചര്യത്തിന് ശേഷമാണ് അതിര്ത്തി സാധാരണ നിലയിലെത്തിയത്.
