അനന്തപുരി ഹിന്ദുധര്മ പരിഷത്തിന്റെ ആഭിമുഖ്യത്തില് നടക്കുന്ന ഹിന്ദുമഹാസമ്മേളനത്തില് ഉയര്ത്താനുള്ള ധര്മപതാക തലക്കുളം പഞ്ചായത്ത് പ്രസിഡന്റ് എസ്. ഉഷാകുമാരി കൈമാറിയപ്പോള്
തിരുവനന്തപുരം: അനന്തപുരി ഹിന്ദുധര്മ പരിഷത്തിന്റെ ആഭിമുഖ്യത്തില് നടക്കുന്ന ഹിന്ദുമഹാസമ്മേളനത്തില് ഉയര്ത്താനുള്ള ധര്മപതാക ഏറ്റുവാങ്ങി. തലക്കുളത്ത് വേലുത്തമ്പി ദളവയുടെ ജന്മഗൃഹത്തില് നിന്ന് തലക്കുളം പഞ്ചായത്ത് പ്രസിഡന്റ് എസ്. ഉഷാകുമാരി സമ്മേളനത്തിന്റെ സ്വാഗതസംഘം കണ്വീനര്മാരായ പ്രൊഫ സുഭാഷ്കുമാര്, ശരത്ചന്ദ്രന്, ജി. സുധാകരന്, അനില് തേക്കട, അരുണ്കുമാര്, പാപ്പനംകോട് നന്ദു എന്നിവര്ക്ക് കൈമാറി. നൂറു കണക്കിന് സ്വീകരണങ്ങള് ഏറ്റുവാങ്ങി തിരുവനന്തപുരത്ത് പഴവങ്ങാടി ഗണപതി ക്ഷേത്രത്തിന് മുന്നിലെത്തിയ ധര്മപതാകയെ സ്വാഗതസംഘം ജനറല് കണ്വീനര് കെ. രാജശേഖരനും രക്ഷാധികാരി വിജയകുമാറും ചേര്ന്ന് സ്വീകരിച്ച് ഏറ്റുവാങ്ങി.
ഇന്ന് രാവിലെ 8.30ന് ചെങ്കോട്ടുകോണം ശ്രീരാമദാസാശ്രമത്തില് നിന്ന് കൊളുത്തുന്ന ദീപശിഖ ജനറല് കണ്വീനര്ക്ക് ആശ്രമം പ്രസിഡന്റ് സ്വാമി ബ്രഹ്മപാദാനന്ദ സരസ്വതി കൈമാറു. ജി. സുധാകരന്, വിഷ്ണു, എം. ഗോപാല് എന്നിവര് നേതൃത്വം കൊടുക്കുന്ന ദീപശിഖാ പ്രയാണത്തെ 10.30ന് സ്വാഗതസംഘം കാര്യാലയത്തില് സ്വീകരിക്കും.
